Lu culu e le quattru tèmpure

Papa Caliazzu tenìa nna soru ca se chiamàa Pippi; nun era cchiùi giòane ma mancu nziana, però se straccàa prestu quandu facìa ccerte servìzie te casa, pe quistu se limitàa sulu cu cucina e cu dèsçia nna pulizzata susu susu.

Allora fràisa l'acciprete se pigghiàu nna serva (comu n'ìa tittu sorsa), nu pròpiu, anzi pe nienti ngraziata (comu ìa ulutu sorsa), ma mutu sperta.

Cu llu tiempu papa Caliazzu se sçiu ccorse ca lu Ronzu sacrestanu se la ntendìa cu lla serva e de notte la sçìa ttruàa ntra lla cammereδδa te la canòneca.

L'arciprèite, ncazzatu ca ccerte cose succetìanu a ccasa soa, nnanti alla stàtua te la Vèrgine Marìa e alli quatri te li Santi mpisi a lli pariti, e quasi sutta allu nasu sou, decise cu fazza spicciare stu scàndalu e nna sira scangiàu la càmmera soa cu cquiδδa te la serva, cussì lu sacrestanu nu lla putìa sçire truare te notte.

La prima notte nu ssuccesse nienti, la secunda mancu, alla tersa notte prima te lu llucìscere papa Caliazzu nzatàu ntra llu sennu e se ddescetàu percé se ntise freculare doi manu fridde fridde susu a lle nàteche càute càute.

- Vèrgine santa! Cce sta' ssuccete? Ei, ci sinti? Cce ccazzu uèi! - retàu papa Caliazzu a llu scuru.

Lu nnamuratu te la serva, ene a dìcere lu sacrestanu, se nde ccurgìu te lu spàgliu e, spiertu te cervieδδu e prontu te lìngua, fice ca ddummanda:

- Acciprete, suntu ièu, lu Ronzu; t'àggiu cercatu cu tte ddummandu ci percisà - ièu nu mme rrecordu - ete sta matina ci àggiu ssunare le Quattru Tèmpure.

- I', ci te egna còccia! - disse papa Caliazzu - Bruttu làžžaru ci nu sinti àutru, e cce ccentra lu culu cu lle Quattru Tèmpure?