Doi pugnette = nnu desçiunu

Nnu giurnu se presentàu cu sse cunfessa a papa Caliazzu nnu brau carusu, te quiδδi bueni e carmi pe natura, te quiδδi sani e scurnusi, ci anu alla chèsia ognettantu ma crìtenu listessu a llu Signore, sècutanu li cumandamenti e respèttanu li precetti te la tuttrina cristiana.

- Dimme, figliolu, quali peccati à' fatti?

- Patre, l'àutru giurnu nu mme sippi ntartenìre e, scusi scusi te sulu a sulu, fici nnu bruttu peccatu, ma tantu bellu.

- Cce buèi cu dici 'scusi scusi… te sulu… bruttu… bellu' ? À' astematu cittu cittu Domeneddìu? Nd'à' teratu quarche Santu ntra te tie?

- None, nun àggiu astematu, ièu nu bastimu mai, nu tegnu sta abbetùtine.

- E quale à statu lu peccatu tou, spiècate buenu.

- Eccu; l'àuru giurnu stìa fore e sta' mmarendàa ssettatu a llu friscu te lu pagghiarieδδu; me utàu l'ècchiu, ruardài e mmirciài la fìgghia te patrùnama ca se teràa le làstiche cchiù' subbra te le sçenùcchie.

- Fena a ddune? - dummandàu papa Caliazzu mpezzandu rìcchia.

- Ni iddi nnu picca te carne te la còscia e de pressa…

- Te salìu lu sangu a ncapu, no? Ane nnanti, birbantieδδu.

- … me sentìi sciuδδecare, trasìi ntra llu pagghiarieδδu e, scusu, ni la dedecài…

- Ccene, figliolu? Sutta cunfessione tocca parli chiaru; lu peccatore nu ss'à sprubbecare, ma lu peccatu s'à dire - nsistìu lu patre cunfessore.

- … de pressa ni dedecài nnu schizzettu.

- Ccene? Nu tte nde scurnare, forsa: pane allu pane, vinu allu vinu.

- Nna seca.

- Cose de gioentùte. Vabbene, poi quante?

- Quiδδa sula.

- Sçiamu nnanti. Quali peccati àutri à' fatti?

- Nuδδu àutru.

- Comu nuδδu! À' rrubbatu quarche fiata - cce ssàcciu? - nnu sargeniscu, nna pàuta te nuci, nna rappa te ua…

- No, mai.

- Pussìbbile nnu sulu peccatu? Nna sula pugnetta, e basta? Ma tie sinti nnu santarieδδu!

Pe lla verità lu arciprèite te Lucugnanu era bbituatu cu senta peccati pesanti nna sarma; era bbituatu cu cunfessa peccatori ncaδδaruti. Papa Caliazzu sapìa a mente quasi tutte le cumbinazioni: peccati = pene; sapìa le penetènzie pe li cchiù' ressi peccati, li castichi pe le cchiù' rosse astime, le pene pe le cchiù' brutte mancanze; ma pe nna sula pugnetta deticata te pressa a mpressa, scusi scusi, a nna caruseδδa tantatrice…

Be, nu nc'ete cu tte faci maraègghia: papa Caliazzu nu sse rreculàa cce pascali te penetènzia dare pe nnu sulu attu lurdu; e, nu sapendu cce pena currispundìa a nnu sulu schizzettu, se žau te lu cunfessiunile, sçiu pigghiàu lu libbrettu te lu rituale e leggìu lu penetenziaru:

a) …ogne doi astime alla Matonna = doi aimarèi e nna sarvereggina; e, ci ete recitivu, nna terata te rìcchie;

b) …ogne ttrete astime a llu Santu prutettore = doi patarnosci e doi cretu; e, ci ete recitivu, nna llessecata te ugghina rretu a lle spaδδe;

c) …a cci tratisce la mugghiere: nnu attu te tulore e lu giuramentu ca nu lla face cchiùi;

d) …a cci tratisce lu maritu: mazzate a cquantità, pe ttre misi a pane e àcqua e, comu sçiunta, lu iabbu e lu sperguegnu eternu te tuttu lu paise;

-A, eccu, - penzàu papa Caliazzu - serài ca nci simu - e leggìu:

e) …pe ogne doi atti te rrapamientu o quattru penzieri mpuri te desedèriu = nnu giurnu te desçiunu.

Lu patre cunfessore turnàu a llu cunfessiunile cu lla frunte rrezzata, facènduse lu paru e sparu e lu quantu e comu: "Mannàggia, cce situazione tiffìcile! quistu ete nnu casu cchiùi ùnicu cca raru! nna pugnetta, una e sula: peccatu veniale nu bete, percé à' peccatu contru lu sestu cumandamentu, à cummessu nnu attu fiaccu pe tantazione te nna fìmmena, nna fiata sula, pe scasulità…"

- Figliolu, pènsanci buenu, fatte mègghiu lu same te cuscènzia: iti ci te nde rrecuerdi quarche àutru peccatu te la carne, penzieri mùceti, senni lurdi ci t'ànu fattu scazzecare, ci t'ànu fattu rrapare…

- None, acciprete, macari ca nci pensu: nna sula seca, una e basta.

- Be, ei striu, - tisse spacenziatu papa Caliazzu - nu perdimu tiempu e spicciàmula nna bona fiata: tìrate nn'àura pugnetta e pe penetènzia faci nnu giurnu te desçiunu!