Lu paneggìrecu te Santu Giuta

Cce cagnu te Lessanesi, cu ba' scòcchianu Santu Trifone comu prutettore; e li Caδδipulini, poi, cu fàcenu nna chèsia allu Mallatrone! Nu t'à' maraegghiare, poi, ci sienti ca a nnu paise de ntra llu Capu, ca nu mbògghiu mancu cu nnòmenu, tènenu comu prutettore Giuta, sì pròpiu Giuta Taddèu, nnu santu a quasi tutti scanusciutu.

Moi sentiti stu fattu. Nnu annu te quisti lu cumetatu te la festa chiamàu l'acciprete te Lucugnanu cu ttene lu paneggìrecu te Santu Giuta. La cosa curiosa foi ci papa Caliazzu, ca sapìa a mente tutta la stòria te la Passione de nostru Signore Gesucristu, pe gnurànzia scangiàu Giuta Taddèu cu ll'àutru Giuta Scarota.

Moi ene lu bellu. Papa Caliazzu, mpezzatu susu a llu pùrpetu, ncignàu cu nni le canta allu santu festeggiatu cu tutti li cazzi, tecendu ca Giuta ìa statu lu cchiùi pièrfetu te li apòstuli, lu cchiùi scanuscente; ca cu nnu asu aìa traditu lu Nazarenu; ca pe lla ngula te li sordi futtuti aìa endutu lu sou Maestru pe ttrenta tenari; ca alla fine, nvece cu sse penta e cu cerca perdunu, comu fice nvece δδu furbu de San Pietru, pe llu rimorsu se mpecàu - bencistà! - a nnu àrveru te ulìa o te fica (papa Caliazzu nu sse rrecurdàu buenu δδu mumentu, ma, sia, nu fice nienti); nzomma, cretendu ca face piacere alli feteli deòti, contru Santu Giuta nde tisse cotte e crute.

Ma quiδδi te lu cumetatu se stizzàra comu pacci e nu sulu nu mbòsera cu llu pàcanu lu pretecatore, ma, cunvinti ca l'acciprete te Lucugnanu l'aìa fatta a mposta cu lli mbrògghia e cu lli minta susu a nnu ciùcciu ffronte a tutti li casali te lu Capu, sçera allu vèscuvu te Lessanu e lu denunziàra de motu e de fattu.

Bonsignore truàu giusti li lagni te quiδδi te la cummissione te la festa e, pprufittandu te l'occasione bona, pe casticu de lu errore fattu, murtàu papa Caliazzu cu dèice carrini d'argentu e de subbracchiùi l'annu abbenire cu ba' face a ngràtesi nnu secundu paneggìrecu a Santu Giuta, te motu cu rrepara alla malefatta.

Istu cce papiellu?

Mofallannu, rriata ntorna la festa te Santu Giuta Taddèu, papa Caliazzu, furbu e finu sta fiata, salìu susu a llu pùrpetu e ncignàu cu ddica alli feteli ca lu prutettore loru era lu mègghiu te li servi te Diu, cchiù' ffeziunatu te San Giuanne (cquài sulamente lu pàricu te Lucugnanu se mpappinàu nnu picca, percéne nun era sicuru ci se trattàa de Giuanne Battista o de Giuanne Vangelista, ma nisciunu te li presienti se nde ccorse). Nzomma rrepengìu Santu Giuta comu lu mègghiu de tutti li Santi te lu paraisu, cchiù' rande te Santu Ndrea te Lucugnanu, cchiù' mmègghiu te Santu Trifone te Lessanu, addirittura cchiù' mpurtante te Santu Ronzu te Lecce, era tantu magnu quasi quantu Gesucristu stessu.

Cce nde ulìanu de cchiùi, δδi ppòppeti capustieδδi? S'ìa pròpriu mmurtalatu papa Caliazzu e, spicciata la prèteca, se freculàu le manu pe la cuntentizza e la sutispazione.

Ma li deòti presienti se sçera ncazzàra pèsçiu te l'annu prima cretènduse ca l'acciprete te Lucugnanu l'ìa fatta a mposta: ìa sasçeratu tantu puru cu sse la scunta. Cce sse penzàa ca èranu ddaveru scemi e fessa te cervieδδu?

E mancu sta fiata fôra cuntienti te lu pretecatore e puru sta fiata sçera cu llu ccùsanu allu vèscuvu.

Ntorna coppe e piombu a nnu palu! Bonsignore, pe casticu, murtàu papa Caliazzu cu dèice carrini d'argentu, e ni cumandàu l'annu abbenire cu ba' face nnu tersu paneggìrecu a Santu Giuta Taddèu, a ngràtesi ntorna, e cu rrepara a st'àutra malefatta.

L'annu ci à benutu (alli cunti lu tiempu passa te pressa!), rriata ntorna la festa te Santu Giuta, l'acciprete te Lucugnanu, murtificatu, rassegnatu e stizzatu ntra llu fìcatu, sçìu allu sòletu paise cu ba' face la prèteca. Salutu susu allu pùrpetu, ncignàu:

"Frati e suluri mei, figghi e fìgghie mei, puru stu annu m'à ccapetata sta rapesta cu begnu ffazzu lu paneggìrecu a Giuta. Sì, nna vera spentura à stata pe mie, mannàggia Giuta Scarota!: percé nde parlài fiaccu me buscài tèice carrini te murta; percé nde parlài buenu me buscài àuri tèice carrini te murta. Quannu te lu prutettore uèsciu nu nde ticu né male e né bene e suntu sicuru ca me costa àutri tèice carrini.

"Frati, soru mei, quiδδu - sangu llu pìgghia! - santu nun ete; llora nun ete mègghiu ci nu nde parlamu cchiùi? senone ci sape comu ni l'ìa cantare a cquiδδu spaccimusu tratitore e ngannafete, ci pe ttrenta munete d'argentu endìu lu Signore allu gran saggerdote sçiutìu… e pe autrettanti carrini d'argentu à bendutu puru a mie a Succellenza lu Vescuvu de Lessanu!"