Buenu facisti, Pòrsia

La canòneca, la casa de l'arciprèite te Lucugnanu, stìa pròpriu cùcchia alla chèsia matre, una de cquài e l'àutra te δδai te la strata, pròpriu tirimpettu, tantu ca te subbra all'artare maggiore se putìa ìtere de squìnciu lu barcuncinu te la casa canòneca.

Nna tumìneca mmatina papa Caliazzu se nd'ìa essutu te casa senza cu dèsçia òrdeni alla Pòrsia, la serva soa, de quiδδu ci s'ìa mmangiare a mmenžatìa e de comu s'ìa cucenare.

Se fìcera le tèice e la Pòrsia ncora ìa ncignare a còcere nnu quarcheccosa. Llora decise iδδa a sula: δδu mienzu auniceδδu crutu, rrumastu te ieri; ci ieri lu fice a ùmetu, osçe comu l'ìa cucenare?

L'acciprete sta decìa la missa te lu tardu. Allora la serva se nfacciàu allu barcuncinu e, quandu l'arciprèite se giràa te facce a lla gente cu dica "Dominus vobiscum", iδδa pronta ni facìa segni spatulisçiandu le razze e musciandu lu mienzu auniceδδu crutu e scurciatu; quisti èranu li segni ca ulìanu cu dìcanu: «Comu l'àggiu preparare?».

A llu secundu "Oremus" papa Caliazzu capìu a llampu; allu tersu, ausandu la uce a mmotu cu pozza sèntere la coca, cantàu: «Dominus vobiscum… Oremus: