La lana èrgine

Però tutte a papa Caliazzu ni capitàanu! O se le cercàa iδδu stessu? Sentiti st'àutra.

L'arciprèite te Lucugnanu aìa sçiutu cu ba' troa l'arciprèite te Caδδìpuli, lu mègghiu amicu sou. La èspera, dopu mangiatu, cu deggerisca, papa Caliazzu pe abbetùtine se fice quattru passi e, camenandu camenandu, se truàu a passare te bàsciu portu. Se fermàu a nnu necòziu te rrobbe, scucchiàu nna màglia te lana te pècura bella liscia e mòrbita, la pacàu cinque carrini e se nde turnàu a cacsa δδa llu amicu.

- Tumènicu, à' fatte spese? - dummandàu l'amicu, ca lu chiamàa pe nume.

- Sine, àggiu truata nna bona occasione e m'àggiu ccattata sta màglia te lana mòrbita e liscia ca nu mme pìzzeca li carni - disse papa Caliazzu scartandu lu fangottu.

- Etìmula… Na, pròpriu comu alla màglia ca àggiu ccattata ièu ieri a bàsciu portu - disse l'acciprete te Caδδìpuli e ni la pigghiàu a betìre.

- Ddaveru, pròpiu uquale alla mia ete, la stessa marca, la stessa tàgghia… E quantu la pacasti?

- La pacài ttre carrini.

- Bruttu scuncignatu! Lu necuziante ete amicu tou?

- No, nu llu canuscu mancu, nu ll'ìa mai istu prima.

- A, fìgghiu te…! - ni sta' scappàa a papa Caliazzu - M'à pigghiatu pe fessa, percé te mie, a riquardu, δδu fetente te mie s'à pigghiati cinque carrini.

- Ci l'à straìu! quasi lu dòppiu…

- Ma moi stessu tornu e ni la fazzu bìtere ièu - mmenezzàu papa Caliazzu a raggione, e pigghiàu le doi màglie e partìu a passi decisi.

- Patrunu! Ei principale! Le sta' canusci ste doi màglie?

- Eccomu no? Sì, le sta' bìsçiu. Cce buèi cu dici?

- Percéne quista ieri te l'à' pacata ttre carrini e st'àutra mia picca rretu te l'à' pacata cìnque carrini? Comu qualità e quantu a mesura nu suntu uquali?

- No, reverendu; sta' scarri - respuse lu necužiante, truandu te pressa nna pezza a cculure - Nno, nu suntu uquali, nc'ete nna tifferenza…

- Suntu listesse - nsistìu papa Caliazzu - suntu te la stessa mesura, suntu te la stessa marca, suntu listessu lisce, mòrbite e càute.

- Te pare! Te pienzi! Quista ca costa ttre carrini ete lana te pècura gentile urdinària; nvece quista ci costa cìnque carrini ete puru te pècura gentile, ma cchiùi speciale, ete te nna pecureδδa carusa, suncira; nzomma tòccala, sienti, ete cchiù' bona… - e δδu gianfuttièri te marcante ni menàu nnu uecchiurizzu all'acciprete.

- La cosa nu me cunvince. Ièu ògghiu cu capiscu a cce cunsiste la tifferenza te qualità de lu felatu e de lu tessutu; me la sai spiecàre? - dummandàu papa Caliazzu ca nu mbulìa cu sse fazza pigghiare pe mìnchia.

Lu necužiante, perìcciu, nu sapìa cchiùi cce ìa dìcere, nu sapìa truare cchiùi palore cunvincenti, ncignàu puru a ssutare friddu e stìa cu sse rrende…; ma li doi carrini te tifferenza ni despiacìa cu lli dèsçia a rretu, e llora pigghiàu e disse:

- Nzomma, tòccala e sienti la rrobba - cercàu cu spieca δδu furlinu - Quista ete lana cumune e urdinaria, st'àutra nvece ete lana cchiù' bona e speciale.

- E, l'ànima tt'essa!, te ddu se ite, te ddu se sente, te ddu se tistìngue? Sangu te Giuta, ièu te ddummandu quale ete la raggione te lu prezzu quasi dòppiu?

- Quista ete te lana gentile nustrana e quista ete te lana gentile spagnola - cercàu cu mbrògghia δδu trapularu.

- Ma ci tutte doi ste do' màglie suntu te lana gentile, tutte doi suntu mòrbite, nu pìzzecanu li carni e mantènenu lu càutu alla stessa manera, a ddu cunsiste la tifferenza te prezzu?

- Eccu, crìtime, reverendu, la erdate ete quista; nu mbulìa cu tte la ticu percé sinti saggerdote: sta màglia, ci costa cchiù' cara, ete te pècura nustrana giòane ncora èrgine…; nvece sta màglia, ci costa cchiù' marcata, ete te pècura spagnola ècchia ca à canusciuti ci sape quanti manzari…

Cquài papa Caliazzu, rrussecatu a nfacce pe lla stizza, cu rraggione nu sse trattenìu:

- Ma ci le lane suntu uquali a ntuttu, cce mme nde futtu ièu ci la pècura nustrana era ncora èrgine e la pècura spagnola facìa la puttana?