Papa Caliazzu e lu Papa te Roma

Quandu Pàulu IV, lu Papa neu, ricevìu allu Vaticanu le centenare te Bonsignori, Vèscuvi e Cardinali a utienza generale, se putìa mai ccòrgere te nnu sèmprice pàricu te Lucugnanu? Macché, mancu pe itèa, nu llu nutàu pròpriu!

Però - quandu tici la canza - standu ncora a Rroma papa Caliazzu pe scasulità se truàu cu nnu amicu te Muntasardu, ci te parecchi anni aìa lassatu lu paìse sou te ntra llu Capu, s'ìa ccasatu e facìa lu uardianu a nna villa te lu Vaticanu cùcchia a Rroma.

- Cumpare acciprete, quantu me sta' prèsçiu! - tisse l'amicu sinceru - Sçiamu a ccasa mia, ca osçe mangi cu mmie.

- Nu puèssere - tisse papa Caliazzu - ca ìmu sçire a cunvegnu cu nu me rrecordu quale cardinale te Roma.

- Ei, sai cce te ticu ièu ci ste cose le sàcciu? Te lu ticu ièu ca stau a mmienzu a sti saggerdoti: làssali fùttere e ièni ca mangi cu mmie - e lu teràu quasi a nforsa, pe dire la verità.

Rriati alla villa te lu Vaticanu, l'amicu te Muntasardu teràu rittu a lla casìpula soa e se mise cu nni prepara nnu veru banchettu cu ttutti li pisi e li cuntrupisi. Papa Caliazzu rrumase cussì saziu ca ognettantu ni scappàa quarche derruttu te sutispazione.

A misa de sule papa Caliazzu tisse centu fiate "cràzie" a llu amicu e se llecenziàu felice e cuntente.

Nun aìa fatti docentu passi a lla mpete su llu stratone, ca ncignàu a menare nziδδi; benumale, però, ca tandu stessu ni rriàu te retu nna carrozza a doi cavalli.

- Ei, bunomu - fice segnu papa Caliazzu a llu carruzzieri - me faci salìre a cascetta e me dai nnu passàggiu?

Lu cucchieri ni tese nna uardata cu lla cuta te l'ècchiu, žandu le cìgghie ni fice segnu te none e teràu nnanti.

- Cce bulìa δδu prete? - ddummandàu tandu stessu nna uce de intra a lla carrozza.

- Ulìa nnu passàggiu fena a Rroma - respuse lu cucchieri cu nnu tonu de arterìggia, te la fessa te màmmasa.

- Ferma e fallu salìre - disse δδa uce - Nu biti ca sta' mmenezza cu scàrreca? Fena rria a Rroma alla mpete, s'à fattu suppu a purecinu.

- Iii, belli, ii! - fice lu carruzzieri a lli cavalli, terandu li capisci - Tie sali cquài a cascetta te coste a mie, pe sta fiata.

- None, fallu salìre intru. Ièni cquài cu mie, reverendu - disse quiδδu te intra.

Lu pàricu te Lucugnanu salìu e se truàu te coste a nnu tale estutu puru iδδu te prete e cu nnu spurverinu nìuru lùcetu susu alla tòneca.

- Comu te chiami e de ddu sinti? - ddummandàu.

(Cumpagni e amici, bu vvertu ca ièu sta' cuntu la stòria a dialettu leccese, ma lu patrunu te la carrozza parlàa a llatinu, a!)

L'acciprèite, ca lu latinu lu leggìa buenu a missa, ma nu llu sapìa parlare, respuse an pulitu:

- Mi tengo Dumènico Galiazzo e sono arciprete de Lucugnano, diòcesi di Alessano de il Capo di Lèuca.

- Et unde venis con 'sto tempàccio?

- Dalla casa del guardiano de 'sta villa, che è paesano mio e m'à invitato a pranzo.

- E che cosa ti ha dato da manducare? - ddummandàu curiosu e devertutu δδu brau saggerdote, ci sta' pigghiàa custu a llu descorsu.

- Ndovina? - tisse papa Caliazzu, schersandu puru iδδu cu nnu culleca tantu simpàtecu.

- Momentum, volo pensare: zuppa di erbette con lo strutto?

- E, altro che erbe! di più mèglio…

- Allora: càvoli con salsìccia?

- Noo, cose più migliori.

- Lentìcchia? Lingua di manzo farcita?

- Mèglio, più mèglio…

- Basta, rinunzio a divinare; ego mi arrendo. Dìmmelo tu: che cosa avete mangiato di così prelibato?

- Mo' ti viene la saliva in bocca: faggiano arrosto, un faggiano dorato, che il mio paesano ha preso dal pollaio del Papa di Roma.

- Bene, bravi! - respuse lu saggerdote scanusciutu - Che pietanza squisita, che bocconi gustosi, che mangiata alla faccia mia! - disse retendu (e sapìa iδδu percéne!).

Ntantu la carrozza aìa rriata a Rroma e papa Caliazzu se nfurmàu cu sàccia:

- Culleca, verso quali mere vai?

- Verso Piazza San Pietro.

- Pure io; io allòggio a quella parte lì.

- Bene, allora ti ci accompagno in carrozza.

- Tante cràzie a signorìa - respuse papa Caliazzu e se freculàu le manu; poi ddummandàu ncora:

- Giacché fra poco ci dobbiamo lasciare, mi dici, per piacere, come ti tieni, cioè come ti chiami tu?

- Giampietro Carafa, ma ormài tutti mi chiamano Paolo; pure io sono della Bassitalia come te.

- Ma che sei, Canonico della Basilica?

- Di più, di più ancora.

- Davvero? Allora: Vescovo? Cardinale? - e a llu meschinu pàricu te Lucugnanu ni ncignàu a zumpare lu core a ncanna.

- Mèglio, un poco di più…

Papa Caliazzu stampagnàu l'ecchi e fissàu a nfacce l'amicu de carrozza. Sine, moi se nde ddunàu ca δδa facce cussì duce e bona l'ìa ista te cùcchiu quarche giurnu prima. Ma tandu l'ìa istu estutu a pompa magna…, moi nvece…

- Pàulu IV, lu Papa te Roma?! - ni scappàu a dialettu allu pôru acciprete - Santità, mi prosto… nna!, mi postro… nna!, ntorna m'à ccappata la lìngua!, Santo Padre, mi prostro ai Tuoi Piedi Pontificali e bacio le Tue Mani Benedette - e cussì decendu e cussì facendu, se mise genucchiuni e cussì rrimase fenca la carrozza nu sse fermàu intra a nnu curtile rande rande.

- Siamo arrivati, fratello in Cristo - disse lu Papa te Roma allu arciprèite te Lucugnanu - Quando tornerai nel Capo di Leuca, vai ad accendere una candela, per conto mio, alla Madonna di Finibus Terrae. Scendi ora e vai in pace - lu salutàu e lu benetisse.

Stu fattu lu cuntàa papa Caliazzu stessu (mancu lu Vicariu don Scarpazza l'ìa istu, e testemònie nu nci nd'èranu!); e gneffiata nci sçiungìa nna cunsiterazione curiosa. Nna fiata ìa cuntatu ca la benetezione te lu Papa n'ìa servuta a picca e filu, percé, allu scìndere ci fice te la carrozza mise lu pete a nfàusu su llu staffune, l'anche ni tremulàra, trabballàu e catìu comu nnu ràulu stunatu susu allu nzalecatu te lu Sacru Palazzu.

Nn'aura fiata sçiunse brotu e disse ca, catendu, tuzzàu lu nasu a nterra e pe lla tulore astemàu:

- Sangu tte zzicca! - retàu; e llu Papa se penzàu ca l'astima era pe Iδδu, nvece papa Caliazzu ni giuràu ca l'astima l'ìa mandata a δδu tespettusu te Beržebbù, ci a gnencosa nci feccàa la cuta!