Nna tàula àuta

Ogne fiata ci lu vescu te Lessanu aìa fare le ìsite pasturali a lli paisi siti subbra a llu Capu, comu Spècchie, Misçianu, Muntasanu, Trecase puru, pe abbetùtene ìa pigghiatu ca facìa tappa a Lucugnanu, alla canòneca te papa Caliazzu, e succetìa ca l'acciprete nu sulu nde ìa bire lu fastìtiu ma nci n'ìa fare de subbracchiùi puru le spese.

Nna fiata - ma se nde premuràa doi giurni prima - lu vescu mandàu a dire a papa Caliazzu ca, sçendu a Dupressa e passandu te Lucugnanu versu menžatìa, cu ni fazza truare pronta nna tàula, cussì, màngia e fusçi, nna tàula àuta àuta, alla bona.

- Cce scràsçia! - pensàu l'arciprèite - Gneffiata, gneffiata… Però, Bonsignore miu, sta fiata te fazzu spramentare.

Fice enìre a ccasa soa, cu tàule, centre e martieδδu, lu cumpare Reste, mèsciu d'àscia, e ni fice ccunzare nna banca àuta àuta, cu lli quattru pieti àuti fena a llu celu te la casa.

Ppena lu vescu rriàu, picca dopu ci aìanu sunate le tùtici, ni disse a papa Caliazzu:

- Mena mena, arciprèite, sçiamu prestu a ntàula; mena me', senone se face tardu.

- Comu cumandi signurìa, Bonsignore, sçiamu ca la tàula ete pronta.

Trasuti ntra lla càmmera te mangiare, lu vescu idde nnu mparcatu àutu fena a llu tettu e ddummandàu:

- E sta àndita? Te sta' ccate lu sarcenale?

- Quale àndita? Quista cquài? Quista, Bonsignore, ete la tàula, la banca. Forsa, rrampecàmuni, ca la Pòrsia moi ni porta te mangiare.

- Ma, arciprèite benetittu, cce buèi mme pigghi pe turdacchiune? Quista…, ièu?

- Ccellenza, nu girare la frettata e nu me retare sempre! Ièu àggiu fatta la vuluntà stua; signurìa nu me mandasti a dire cu preparu "nna tàula àuta àuta"? Cchiù' bàuta te cussine nu te l'ìa pututa fare!