La lùrtima cartùccia

Te quandu la pôra Pòrsia murìu - recumeterna all'ànima soa e sanetate a nui - papa Caliazzu nu tinne mai nna serva fissa pe cchiùi de nnu annu: una sçia e nn'àutra rriàa, nisciuna cu sse ffeziona, nisciuna cu sse mpara l'andamientu te la casa e cu nde pìgghia lu rièsçiu.

Nna fiata nde tinne una pe lli suli misi te lu state; era cchiuttostu nziana, su llu quarantale, asciceδδa te statura e mazziceδδa te curpuratura; nun ìa stata mai spusata, forsi nun ìa fattu mai la more cu nnisciunu, ceδδi se l'ìa trusciata, e pe quistu s'ìa mantenuta ncora bona e frisca: carni cumpatti, minne chine e tise, culu tustulignu; era nna cristiana sana sana, carma, cüieta, senza malìzia, ci cretìa a tuttu, puru a nnu ciùcciu ca sta' bola!

Lu patrunu acciprete nu ll'ìa uardata mai cu ntenzione né cu ntaresse particulare, fena a cquandu l'àura matina nu lla idde rrampecata susu all'àrveru te fica nìura. Aiu butu bìtere quantu era sperta cu passa te nna stanga all'àutra! A nnu mumentu δδa scemiceδδa, a rrisçu cu càsçia, se sçìu mpezzàu susu a doi rami fini fini, ci putìa rriare cu pìgghia nna fica, la cchiùi bella fatta e felata.

Papa Caliazzu se preoccupàu cu nnu ba' ccàsçia - largu nde sia - e se mise te sutta - "Statte ccorta, Mmela!" -, prontu percisà cu lla zzicca a mbrazze e cu lla sarva. Ma la serva, benumale, nu ccatìu e papa Caliazzu stese cu sse la cote cu ll'ecchi: llargàa l'anche e de nna stanga passàa su nn'àutra, stendìa le razze, llungàa lu corpu, ccugghìa le fiche e le mentìa ntra llu panarieδδu. Quandu spicciàu, passàu lu panarieδδu a llu patrunu, cu nnu zumpu scise te l'àrveru e se nde trasìu a ccasa. Papa Caliazzu la secutàu spinchiulisçiandu cu nna menza tantazione a ncuerpu.

La serva, supèrchiu carma e tranquilla, rungulandu lu respunsòriu 'Ave, Oronti', sçiu ritta a lla cucina e culàu la pignata te li pesieδδi, ca già sta' ugghisçiàa susu a lla furnicella. L'acciprèite, spuniatu te δδu fare cussì friddu, la lassàu pèrdere e se nde sçìu pe cuntu sou.

Dopu quarche tiempu la Mmela poi pigghiàu nna pezza e trasìu ntra lla canòneca cu nde stusçià la pùrvere te li cassettoni; e cquài nci truàu papa Caliazzu, stisu lengu lengu subbra all'àstrecu, nutu a ncristu, ientrisutta, e li rasçi te lu sule ni battìanu ritti ritti su llu teretu ramatu.

La serva se mpauràu, cretendu ca all'acciprete n'ìa enuta còccia a ncapu o puru cuerpu a llu core. Se ngenucchiàu te coste e lu cutulàu:

- Acciprete, ei acciprete, Matonna mia benetitta, cce t'à successu?

- Ei, Mmela, nienti m'à successu, stau buenu e nu te preoccupare. Cce tte criti, cce sta' pienzi?

- Gesummarìa, percéne stai cussine?

- Babba mia, pe sperènzia sàcciu ca quantu cchiùi sule pigghi de state, tantu menu friddu sienti de iernu; e poi li mièteci tìcenu ca a nna ccerta ità, alla età nòscia, lu sule face bene alle osse, nu lle face né rruggiare né ccraulare.

La spieca persuatìu la Mmela e de tandu puru iδδa ogne giurnu, quandu ni rrimanìanu tèice menuti te tiempu, se spugghiecàa fena a cintu, se stendìa a nterra e mmentìa la panza allu sule te la fenèscia.

Cu tuttu quistu, però, a fine state la serva se custipàu forte forte, brutta brutta.

- Acciprete, a mmie lu sule nu m'à fattu nuδδu bene, nu mm'à giuatu pròpiu filu; anzi m'àggiu pigghiata nna bella fursione.

- Pussìbbile? Comu à pututu succètere? - disse papa Caliazzu - Etimu, famme ìtere comu te minti cu te pigghi li rasçi te lu sule.

La Mmela, δδa babbiceδδa, se žau li estiri fena a llu eδδicu, se stise a nterra ientrisubbra e llargàu le anche.

- Cussine ièu me mintu cu pìgghiu lu sule.

- Ete lampante: comu putìi mmacazzinare lu càutu te lu sule ci tieni tutte doi le porte perte? - spiecàu papa Caliazzu - Babba mia, una tocca cu lla chiutimu cu stu tappu…

E quiδδa foi l'ùrtima cartùccia sparata te l'acciprete te Lucugnanu, lu canònecu papa Caliazzu.