PIPPI DE DUMINICIS (lu Capetanu Bracca)

Lu largu a ddu se spàrtenu la strata te Crapàreca e la strata te San Cisàriu prima se numenàa "mmeru a lla Nunziata", percé, a ddu moi nc'ete nna spècie te monumentu mmienžu a δδe ruδδe te fiuri, nna fiata nc'era la cappella deticata alla Nunziažione te la Matonna Marìa Vèrgine. Picca anni rretu la chiesiceδδa nde la fice spurrare lu sìndecu te tandu, percé, siccomu la liama s'ìa felata e li pariti s'ìanu crepati, era catente e periculosa pe lla gente.

Allu largu te la Nunziata, sulla ritta, se aprìa nn'arcu (e nc'ete ncora), ca dìa ntra nna curticeδδa; in fondu, pròpiu dirimpettu, nc'era nna casa bella còmmuta te ttre stanze e cucina: era l'abbetazione de lu Totu De Dumìnicis e de mugghièresa la nunna Frangisca Garrisi.

Lu Totu era cuntatinu, ma nu sçìa a sçiurnata a δδa ddu àutri, percé tenìa te lu sou e fatiàa intra lli fundarieδδi soi. Mugghièresa la Frangisca se nde stìa a ccasa soa, ma nu ccu lle mànure susu alla panza; era nna fimmena fina e mesurata e rriàa a tuttu: sulu cu llu iutu te nna fìgghia fìmmena, la Ronza, resçìa la casa, badàa a llu maritu, crescìa l'àuri quattru fili màsculi ca n'ìanu campati: lu Peppinu, lu Titta, lu Nzinu e lu Filippu, e truàa lu tiempu puru cu fatìa.

Nònnama la mamma Nana me decìa ca pròpiu la cummare Frangisca, te carusa, era la cchiù' sperta te le felandare, e poi, te mmaretata, ddentàu la mègghiu mèscia te talaru; puru fìgghiusa lu Peppinu (quandu ddentàu pueta) dice, schersandu, ca la puesìa soa

Sulamente ttrete, e precisamente iδδa, la nunna Marìa te lu Rotumìgliu e la nunna Ermìnia te lu Cenzi Cazzati, tenìanu lu talaru a uettu putàreche, e tessìanu chesçiuni de lana, cuperte a còstule, tuàgghe e servietti a spina pisce o a uecchizzuli, stusçiafacci a pipiceδδu, panni lisci pe lli estìri. A δδa ddu la cummare Frangisca enìanu puru Signure te Lecce e ni urdinàanu rrobbe e panni pe lla casa e pe lla dota te le fìgghie.

Lu Totu De Dumìnicis se li presçiàa δδi quattru figghi màsculi: uettu àutre razze ni facìanu còmmutu pe lli lavori te campagna. Passàu quarche annettu, però, e se ccurgìu lu nunnu Totu ca razze cu llu iùtanu, llèande le soi, nde tenìa sulamente sei: le doi te lu Titta, le doi te lu Nziniceδδu e le doi te lu Filippu. Lu Titta e lu Nziniceδδu crescìanu cchiuttostu àsciòttuli, ma èranu uagnuni sani, tarchiati, vulenterosi, spierti e de bona sçiana; lu Filippu era puru nnu buenu striu, fatiante, ma lientu e nu picca ncresciusu, però bastàa nna uardata e nna retata te sirsa e se mentìa sutta, nu sse teràa mai rretu e la parte soa, fore, se la facìa.

Nvece lu Peppinu - lu Signore cu llu benetica! - era nna preoccupazione: cu lla capu sempre ntra lle nule, la fatìa nu ni nduràa e lu lavoru ni fetìa: era nnu scanzafatèi; ni ncrescìa lu žare mprima; la strata te lu sçire fore la truàa supèrchiu torta e longa, la strata te lu turnare a ccasa, nvece, bella ritta e curta. Quandu aìa tagghiare lu scrasçiale ni rrizzàanu li carni pensandu ca all'antresattu te sutta alle frasche putìa spinchiulisçiare nnu scursune o nna secara, ntanu sìa!; quandu aìa fauciare l'erva pe lli cunigghi temìa ca nna taranta lu putìa pezzecare, Santu Pàulu miu de Calatina!; e quandu aìa ddacquare le ruδδe, tutti li ausapieti sia ca se mmuntunàanu sutta a lli pieti soi… e se nde stìa tisu sotu sotu nnanti a llu pelune.

Nzomma, lu Peppinu era nnu veru ncresciogna, nnu veru petòtecu, ci cu fatìa nu nde tenìa nuδδa sçiana; la campagna nu nni piacìa né alla bona staggione, quandu alla primaera ni la cantàa:

e né allu tiempu te state, quandu

E cce pretendìa, sirsa, cu llu fazza scurpunare cu lla sarchiuδδa o cu lla fàuce? Lu striu tenìa desedèriu cu bàsçia alla scola, ulìa cu mpara, ni piacìa la struzione, tenìa cùcuma pe llu stùdiu. E dai cu lle bone e nsisti cu lle triste, nienti te fare! An fine se ntrumettìu la mamma Frangisca, se mpegnàu ca paca iδδa cu lli uatagni soi le spese sculàstiche e, alla fine, lu Peppinu nci la spuntàu e la ibbe inta.

Era l'annu 1880, tenìa già 10 anni percé ìa natu lu mese te settembre te lu 1869, e alla defrescata se sçiu scrisse alla prima lementare te le scole serali; èranu a ntuttu nu cchiùi de 15 uagnuni, mmesçati ntra lla stessa stanza sculari de prima, de secunda e de tersa crasse; facìanu scola tutti uniti, cu nnu sulu nsegnante, lu maestru Marianu Arigliani, frate te lu duttore don Rafelùcciu; nvece nna uettina te fìmmene a ntuttu sçìanu cu lla maestra Vittòria Rizzu mugghiere de lu Filippu Murrone.

Ma cce bera brau lu scularu De Dumìnicis, quantu era ntellisçente: bastàa cu llegga nna sula fiata nna puesìa puru longa e de pressa se la mparàa a memòria; tutte le palore te le spiecazioni te lu maestru se le stampàa ntru δδa mente e nu sse le scerràa cchiùi.

Era tantu stutiosu ca nu llu rimandâra nuδδu annu: te la prima passàu alla secunda crasse, te la secunda alla tersa, l'annu doppu se pigghiàu la licenza de tersa lementare.

Ma nu sse fermàu cquai: lu 1883, tenìa 13 anni sunati, secutàu le scole a San Cisàriu; sçìa e benìa ogne giurnu alla mpete, cu lli fridduri e cu lli quatori, cu lli sçerocchi e cu lle tramuntane. E papa Santu Munìttula ni sçìa rrecalandu li Fiuretti te San Frangiscu e quarche àutra vita de Santi, papa Titta De Giorgi ni mprestàu la Divina Cummètia, lu libbru te crammàtica e quiδδi de stòria e de geucrafìa, e lu duttore don Diecu Garrisi, parente de parte de mamma, ni rrecalàu li libbri Querinu Meschinu, Li Riali te Frància, Urlandu a Runcisvalle, Iaggiu sulla Luna; e lu Pippi leggìa e leggìa tuttu quiδδu ci ni ccappàa a mmanu.

Spicciate le scole lementari, sempre prumossu cu punti àuti, a 16 anni se scrisse alla Scola Tècnica Cummerciale te Lecce; cquai truàu prufessori veramente bravi ca lu sapere alli studienti ni lu feccàanu ntra lle metuδδe ulìanu o nu bulìanu, e lu De Dumìnicis, ca ulìa cu mpara, mmuntunàa tutta δδa stružione e δδa sapiènzia ntra lla gnigna. Bu ntìcepu, amici, ca già te tandu ncignàu cu prùbbeca puesèi e artìculi subbra a llu giornalinu te la scola. Senza sporzu, a 19 anni se pigghiàu lu diproma te licenza tècnica.

Ma, a cqua' mmera alle parti nosce nc'èranu ndùstrie? nc'èranu fràbbeche e ažiende te cummèrciu? Mmacché! E lu Pippi nu truàu postu, e rrumase dissoccupatu, diprumatu e custrettu cu torna fore e cu iuta sirsa e li frati soi.

L'annu doppu se presentàu comu privatista all'esami te maestru te scola lementare, ma nu passàu, percé li studi fatti alla Scola Tècnica nu sse cumbenàanu cu cquiδδi te le Maggistrali, le matèrie èranu diverse e foi rimandatu alla fisica e puru allu disegnu, già - mìnchia te prufessori futtuti! - paru paru a llu disegnu ca ni piacìa tantu; lu Peppinu nde rrumase pròpiu fiaccu, se despiazze mutu mutu, se stizzàu tantu ca a uttobbre nu mbose mancu cu sse presenta cu rripara.

Diprumatu te cazzu! … senza nnu mpiecu; struitu… senza nn'arte. Ccerte cunsiterazioni lu Peppinu le facìa: lu tata Totu e li ttre frati se scurpunàanu fore e iδδu ni putìa dare sulu nnu quarche iutu e nde sentìa quasi nnu rimorsu ntra ll'arma.

Ni passàu pe lla capu puru cu sse ndàsçia sutta lle armi; ma, perìcciu!, nun era mancu te salute tantu bona: era cchiuttostu àsciu, mazziceδδu e dèbbule de custitužione!

A δδi tiempi li carusi ci nu sapìanu né lèggere né scrìere, rriati all'ità de int'anni, facìanu intiquattru misi te surdatu rasu; cinca tenìa la licenza te tersa putìa sçìre alli carbinieri o alli finanzieri o alle uàrdie carceriere, e rriàa fena allu gratu de sceltu e capurale; ci poi unu tenìa la licenza te quinta, partìa te sargente o vice-bricatieri (secundu l'arma) e ddentàa maresciallu, maresciallu maggiore, maresciallu de campu; li furtunati ci tenìanu lu diproma te scola superiore e bèranu struiti putìanu rriare puru a capetani e cchiùi.

Capetanu lu Peppinu De Dumìnicis nu potte ddentare, percé pe struitu era struitu ma alla vìsita mètica lu scartàra pròpiu siccomu era strittu te turace, nnu picca dèbbule te piettu e lu core gnettantu facìa li crapicci.

Ma te quistu nu sse nde curàu mutu percé la vita militare nun era pe iδδu, iδδu stessu lu disse quandu scrisse:

Fecuràtiu nnu picchi ci putìa maneggiare la sciàbbula o ci a nguerra aìa lu curàggiu cu spara cu nnu fucile, na, rittu a mpiettu all' àutri carusi… puru ci èranu nemici!

Però nemmancu la campagna la putìa suffrìre e nu mbulìa cu nde senta mancu parlare.

Tentàu cu fazza l'arte de lu pittore, depengìu puru quarche quatru, ma senza cu nde inda; pe ncàrecu de lu marchese don Eduardu Casetti e de lu barone don Cìcciu Casotti, parienti te lu duca Sicismondu Castrumetianu, rituccàu puru li dipinti te le sale e de li saloni te lu palazzu loru; ma, quandu spicciàu δδi lavori, …basta.

Pròpiu δδ'annu lu iernu nticipàu: àcqua e ientu, friddu e ùmetu, sçelature e nìgghie, fursioni e custipi; nna staggione spaccimusa - pe crista!

Lu Pippi De Dumìnicis se mmalazzàu bruttu. Nna sira, spicciatu te mangiare, se žau te tàula tuttu rresçelatu, ni ncrescìu puru cu bessa cu sse ba' fazza nna premera cu lli amici, e rrumase a ccasa ssettatu alla brasçera. Ognettantu se sentìa comu nnu trièmulu rretu lle spaδδe e ni ncignàu a culare lu nasu comu nnu lemmiccu.

Ni sçuppiàu nna free te cavallu e li soi temìanu nna purmunite dùbbula. Cu sta malatìa doi èranu le cose: alli sette giurni precisi, unu o se la scampàa a ngrazie de Diu, oppuru se nde sçìa all'àuru mundu, largu sia, San Giseppu miu!

La mamma Frangisca lu tenìa allu quatore mmugghiecatu ntra lle rrobbe te lana, ni preparàa suppiere te latte de crapa mmesçatu cu llu mele, la sira ni dìa a bìere nnu quarticeδδu te mieru càutu càutu cu nci fazza nna bella sutata; sempre ssettata ncoste allu liettu ni facìa mpacchi de àcqua fridda a frunte, la freazza cu pozza basciare; ni tenìa zzeccata la manu a δδu fìgghiu e se lu uardàa e se lu ncarizzàa cu tantu affettu.

Lu malatu foi furtunatu e pe δδa fiata, benumale, se la scapputtàu, sicuramente pe lle cure te lu tuttore don Diegu Garrisi, amicu parente, ca lu visitàa doi, ttrete fiate lu giurnu, ma speciarmente pe ll'assistènzia e ll'amore te la mamma soa!

Quandu ncignàu la cunvalescènzia lu Pippi a passatiempu intra lla mente se mise a fare iersi, cu dica le cose comu le sentìa ntra ll'ànima, e cumpose nna puesìa, a ddune, rrecurdànduse te màmmasa, cuntàa:

e, tra ll'àure cose, a nnu ccertu puntu decìa:

E cussìne, comu tutti ui nunni randi già sapìti e comu ui carusi già ìti capitu, lu Pippi De Dumìnicis te Caδδinu se dese alla puesìa e cu llu tiempu ddentàu senza saggerazione lu cchiù' rande pueta te l'intieru Salentu.

Scampatu ntantu allu perìculu te morte, se dese alla bella vita: iδδu, donn'Ernestu Arigliani, l'Emìgliu Ciccarese e fràisa lu Eduardu, tutti figghi te pruprietarieδδi, l'Abbertu 'Puδδi', fràisa lu Ruggeru (ca contru la voluntà soa tuccàu cu trasa allu semenàriu e cu sse fazza prete), lu Cenzi 'Cazzati', lu Tunatu 'Ferrarieδδu', mèsciu Fiuru 'Scarparu', puru don Diecu e quarche àutru pigghianculu matriculatu, furmàra nna cumbrìccula straurdinària: nna menža dužžina de capurioni ca pe divertimentu nde cumbinàanu de tutti li culuri: se cementàanu te fra iδδi; facìanu tespietti e schersi alla gente; sçìanu a ngiru a fare serenate alle beδδe caruse; spruàanu rappe de ua, pire, sçìsçiule; rrubbàanu meluni, sargenischi, culummi, filu pe necessità o pe fame, ma peccussì, cu sse divèrtanu; te notte poi zumpàanu li pariti et èranu capaci cu rrùbbanu puru cunigghi e capuni, se li cucenàanu sapuriti sapuriti e facìanu le llecracere. Comu putiti mmaggenare, sçia spicciàa ca δδi sciampagnoni se buffàanu e se cignàanu bueni bueni; tantu ete veru ca poi lu De Dumìnicis stessu cuntàa li fatti a mpuesìa:

Nzomma se mmeretàanu pròpiu cu bèssanu malangati e chiamati ntrepetazzi uastasigni…, e la gente nu te li tungunisçiàa sulu percé èranu figghi de famìglie bonatenenti e li siri te tutti èranu gente de rispettu.

Caδδinu sia ca era terra te pueti: tanti cumpunìanu iersi d'amore, puesèi de battèsemi, canzuni de matremoni, sunetti de Natale; peccatu ca mute puesèi nu benìanu scritte su lla carta cu llu nchiostru, ma enìanu rrecetate a uce e mparate te ucca a ucca, e cu llu passare te lu tiempu sçìanu perdute!

Pueti, certu filu bueni comu lu De Dumìnicis, ma bravi nu nc'era male e canusciuti, èranu: lu Nzinu Grecu ellanu saputieδδu, lu Pippi Arigliani mèsciu de scola, lu Eduardu Casetti ca era nepute te lu duca Sicismondu Castrumetianu e abbetàa su llu stessu palazzu, lu Ntuninu Ciccarese cuntatinu, lu Tumènicu 'Nziδδi' puru cuntatinu, lu Arceste 'Cazzati' zuccature; allu Pici Latru ni cangiàra ngiuru: siccomu nun aìa mai rrubbatu e se tenìa subbra la numèa de li nannàsçeni soi et era anzi nnu buenu cristianu, ni ppiuppàra lu ngiuru de 'pueta'; nu sulamente, ma lu nume 'pueta' poi à passatu alli fili te li fili dopu puru ci quisti puesèi nu nde ànu mai scritte.

Lu Peppinu nèsciu, però, tenìa nna cràžia tutta particulare cu cumpone puesèi e li iersi ni essìanu cussì, schetti, urigginali, mari e lliecri, curiosi e sieri, cu nna catenza naturale; iδδu tenementìa la vita e li fatti te la pôra gente e li presentàa a scene naturali chine de luce e de culuri.

E ncignàu cu sse fazza canùscere puru a Lecce. L'annu 1890 foi nvitatu allu Cìrculu Culturale "G. Giusti", a ddu se rreunìanu tanti avvucati, maestri e prufessori, mièteci, nutari, e cu uce chiara e sicura rrecitàu ccerti iersi soi; ibbe nnu successu ca mancu iδδu stessu se lu sta' spettàa e foi numenatu 'grande pueta'.

Lu 1892, a 23 anni, cu nna spintareδδa de lu duca Sicismondu Castrumetianu e de lu prufessore leccese Cìcciu D'Elìa, filu cu llu nume sou veru ma a firma te Capitanu Black (black a llìngua ngrese signìfica nìuru, scuru, e se riferìa allu culuritu brunu-ramatu te la pelle) fice stampare nnu libbru ntitulatu SCRASCE E GESURMINI, nna entina de puesèi, una cchiù bella de l'àutra (La cepudda, La tinta de li mustazzi, La prima de Masçiu, Lu Sindecu de paise, La bizzoca; e poi Alla pippa, Amore e morte, Alla mamma mia, ed altre).

E tutti li mègghiu mègghiu te Lecce ulìanu cu llu canùscanu te persona e lu nvitàanu a ccasa loru e lu Pippi rrecitàa le puesèi cu nna uce chiara, sunora, bella, comu sapìa fare sulu iδδu; nvitatu, a fiate pe rrecitare iersi, a fiate pe ballare, àutre fiate pe cummestazione, se presentàa allu salottu te donna Ergìnia Bricanti, a ddu se rreunìanu tanti prufessiunisti e signuri leccesi.

L'annu doppu, lu 1893, prubbecàu nn'àuru libbrettu ntitulatu NFIERNU, ca fice maraegghiare tutti li lettori pe quantu era bellu, e ncignàa:

ecc., ecc.

Èranu cìnque canti ben fatti cu vera mescìa, la bellezza te 452 iersi a catenza, cu lla rima ncatenata, veramente belli e schetti, e le cose successe - comu fice cu sse le nventa? - mutu ma mutu curiose, comu quandu cunta:

Poi, ncora cchiù' nnanti:

e tante scene te stu gènere, curiose e sèrie, tanti fatti tutti ngraziati ddaveru, mbruegghi e nzummieδδi tra llu Pietru Lau e la Farfarina, la beδδa fìgghia te lu capidiàulu. Be, amici, ci tenìti cùcuma e li leggiti, u piàcenu puru a bui!

Lu Peppinu st'ùrtimu annu salìa doi, ttre fiate la semana susu a llu palazzu cu iuta lu duca Sicismondu Castrumetianu, ca puru iδδu sçia cumpunendu e urdinandu le soi Memorie; e ssiccomu ìa ddentatu quasi cecu, lu duca ddettàa a mmente e llu De Dumìnicis screìa cu lla pinna. A tiempu a tiempu fìcera cu lle prepàranu e cu lle rilèggenu pe ll'ùrtima fiata, e llu duca murìu alli 26 d'acostu 1895, alla bella ità de 84 anni. Ete inùtule dire ca allu Pippi ni tispiacìu pròpiu te core.

Istu lu successu te lu Nfiernu, lu De Dumìnicis se dese te fare cu cumpone lu siècutu te lu puema te l'ardilà. La puesìa uramài ìa ddentata nnu mpegnu cuntinuu pe iδδu e tenìa lu pueta ncuδδatu alla sèggia tutti li giurni. Era bravu veramente: a punta te pinna era buenu tte dipinga li paesaggi cussì belli ca parìanu quatretti te ppèndere allu parite; e autrettanta braura musciàa quandu espremìa le itèi de la mente e li sentimienti de l'ànima.

Li amici, comu allu sòletu, se rreunìanu ntra lla spežarìa te don Cìcciu Murrone: lu duttore don Michelinu Bardassare miètecu, l'Angiulinu Furcignanò "Panesi", riccu pruprietàriu, e poi lu maestru donn'Antoni Gala, nsegnante te scola lementare, l'arciprèite papa Piu Biancu, lu Còsimu De Vincenti maestru te la banda cumunale lucale, l'avvucatu donn'Antoni Tòtaru Fila, don Carlu Rizzu tirettore te le càrceri de Lecce. Lu De Dumìnicis facìa parte te sta cumitiva, e li amici lu spettàanu, lu mandàanu a chiamare, ma lu pueta se facìa carubbìtere sulu te tantu ntantu; ci nu sçìanu a ccasa soa cu llu ba' tròanu, a ngiru nu llu etìanu cchiùi comu prima.

Puru pe nn'àura raggione: lu 1898, cussì te lu bellu e buenu, la ntica Porta Caràcciulu (frabbecata versu l'annu 1656), ca purtàa mmera Lecce, fose menata a nterra puru cu llàrganu lu passàggiu alle traìne e alle carrozze. Lu De Dumìnicis se stizzàu comu nnu cane rraggiatu contru l'Amministrazione cumunale e scrisse doi artìculi te sdegnu e de caricatura susu a nnu giurnale leccese; te li amici sulamente lu Eduardu Casetti pigghiàu le parti te lu Peppinu, l'àutri nvece la penzàanu comu allu sìndecu, l'avv. donn'Antoni Totaru Fila, ca nde l'ìa fatta sprabbecare.

Veramente mute èspere, lu Peppinu, pete cata pete, se nde sçìa a Lecce, a ddu s'ìa fatti amici tutti li mesci cartapistari e li soci te lu Cìrculu Mandulinìsticu. Uramài era cunsiteratu lu mègghiu pueta a llìngua tialettale leccese, ncuntràa lu custu de lu prùbbecu, tantu è veru ca, nvitatu, rrecetàu le puesèi soi allu Tiatru Paisiellu, alla Sala Dante te l'Istitutu Tècnicu, allu Liceu, allu Semenariu, allu Cìrculu Cittatinu te li Signuri…

Lu 1899, cu lla uccasione te le eležioni amministrative te Lecce, lu pueta se scheràu a favore te Giuseppe Pellecrinu te lu Partitu Demucràtecu e contru don Gaitanu Brunetti te lu Partitu Prucressista; encìu Pellecrinu e lu pueta prubbecàu su nnu fugliettu vulante le FICURINE ELETTORALI, a ddu mentìa a rritìculu li avversari.

E de cuntìnuu cumpunìa iersi e li ccugghìa; spicciàu te screìre la bella e schersusa puesìa LA FINE DE LU MUNDU, ma se la tinne chiusa ntra llu teraturu te la scrianìa; a nnu ccertu puntu lu cumpunimentu decìa:

Lu 1900, all'ità de 30 anni sunati, fice stampare CANTI DE L'ÀUTRA VITA, ca rreunìa: Nfiernu, Purgatòriu, Paraisu, Uerra a mparaisu, Tiempu doppu, nnu puema a ddu cuntàa comu Pietru Lau tra lli tannati de lu nfiernu e tra lle ànime de lu purgatòriu semmenàu tante te δδe itèi, ca tutti quanti truàra lu curàggiu cu sse ribbèllanu e cu sse llìbberanu te le pene eterne; sparpagghiàu tanti de δδi nzummieδδi tra lli àngeli e tra lli santi e le sante te lu paraisu, ca te cumbinàu nnu rreutamientu generale, fice scuppiare nna uerra mundiale, anzi nna rebbellione addirittura contru lu Patreternu; nzomma Pietru Lau puru all'àutru mundu fice succètere nna casamìcciula, nnu veru Quarantottu!

A parte, su nnu fugliettu vulante, δδ'annu stessu lu De Dumìnicis endìu, a 10 cent. l'unu, CANZUNI DE NATALE e a picca giurni se endèra tutti quanti li fuglietti.

Se mise a scrìere te paru parècchie àutre puesèi, te tanti argumenti diversi, ma ccerte le lassàu ppena ccumenzate, àutre le ncignàa, le lassàa, le pigghiàa ntorna… nu lle purtàu mai a cumpimientu e nu lle fice stampare: ccerte percé nun ibbe tiempu cu lle cumpreta, ccerte àutre percé nu nd'ìa rrumastu pròpiu cuntente e sutispattu, e de quistu nde tìa la curpa alla Musa, ca l'ìa bbandunatu! Cumpose, ma senza cu lli stampa e cu lli fazza ccanùscere all'àutri, sti lavori: DESCORSI A SSULU, L'AMORE DE NA VERGINE, L'ANTECRISTU, LU GIUDIZIU UNIVERSALE, ca tra ll'àutru dice:

e spìccia cu sta bella catenza:

Lu 1902, a 33 anni, lu pueta nèsciu cumpose LU BALLU DE LI MUERTI, cu llu riturnellu ca face:

e poi ncora pubbricàu nn'àuru puemettu eròecu: LI MARTIRI D'OTRANTU (50 cumponimienti pe nnu tutale te 800 iersi, quanti fôra li cetatini utrantini ccisi te li Turchi), iersi ca ncìgnanu:

poi, crescendu de tonu, cuntinuàanu:

e spicciàanu cu ste belle palore:

A stu puntu la numèa e lu mièretu te lu Capitanu Bracca se spase pe ll'intiera Terra d'Utràntu.

Tutti li Cìrculi te la pruvìncia lu nvitàanu, percé ulìanu cu àggianu l'unore cu llu sèntenu te persona; e lu Pippi era sempre dispunìbbile e prontu cu lli ccuntenta; e foi nvitatu a ccasa te Tamburrinu te Magghie, e sçìu a tanti paisi: Presicce, Trecase, San Cisàriu, Martanu, Nardò, Galatina, puru a llu Busçiardu, a Utràntu, Caδδìpuli, Lessanu; e lu nvitàra a Artamura, Gruttàglie, Misçiagne, Brìndisi, Francavilla, doi fiate fose a Taràntu e a gnàsçiu se mmurtalàa, a tutti riuscìa simpàticu, de tutti se mmeretàa battute te manu, cumpensi, premi e unori; e li giurnali screìanu de iδδu e decìanu ca era lu mègghiu pueta salentinu.

Lu stessu annu 1902, lu De Dumìnicis se presentau alle elezioni pe lla nòmina te li Cunsìglieri cumunali, ma nu rrisurtàu elettu: a postu sou sçìu l'Angiulinu 'Panesi' ca era surdu a ntuttu e quasi a ntuttu mmutu, ma però se sapìa spiecare.

A nn'àura uccasione fice la pruposta cu sse ntìtulanu la chiazza rande allu patriotta Sicismondu e le strate principali te lu paise alli persunaggi de lu nticu casatu de li Castrumetianu. Puru sta fiata la maggiuranza te lu Cunsìgliu foi cuntraria e scartàu lu suggerimentu.

Veramente li rapporti tra lu Peppinu e li paisani soi se uastàanu e llora lu pueta manu manu pigghiàu l'abbetùtine cu ba' passa lu tiempu cchiuttostu cu lli amici soi de Lecce.

Successe poi quarche àutru cuntrastu tra iδδu e l'Amministrazione cumunale de Caδδinu. Dopu te tandu, lu Peppinu nu mbose cchiùi sse ntaressa te pulìtica e ncignàu cu ssenta nna ccerta ntipatìa nu pe llu paise ma pe li paisani soi; tantu è veru ca a una te le lùrtima puesèi cu nnu tonu cchiuttostu sacàstecu se lassàu scappare, quasi a despiettu, stu penzieri:

L'annu dopu, lu 1903, tenìa cumposte e urdinate ntra llu teraturu tante puesèi te diversi argumenti, nde riunìu nnu ccertu numeru e le fice stampare cu llu tìtulu SPUDHICULATURE, ene a dìcere cose fatte a stozze, mmenuzzature, pezzetti, nzomma a italianu frammenti.

Tra lle Spudhiculature, doi suntu le ngraziatìsseme, la prima se ntìtula La criazzione de l'omu e spìccia cussine:

La secunda ete La criazzione de lu cerviedhu, ca chiute cu ste usservazioni maligne:

Lu mese te màsçiu te lu 1904 lu tata Totu De Dumìnicis, turnandu te fore mancu fice a tiempu cu minte pete a ccasa, ca ni scurse nna còccia te sangu ntra llu core e murìu, cussì, tuttu te paru, a 66 anni. Fìgghiusa lu Pippi, sapendu ca puru iδδu già de parècchiu tiempu suffrìa te core, nde rrumase mutu scossu e preoccupatu, tantu ca subbra δδa facce soa cu lla cera sempre lliecra se depengìu nnu velu de malancunìa.

Picca giurni doppu, sçiuetìa 12 te màsçiu, ntra Caδδinu scuppiàu nna rivoluzione pe llu fattu ca lu sìndecu donn'Antoni Tòtaru Fila, fice ttaccare nnu manifestu te lu Prufettu, ca nvitàa tutte le famìglie te lu paise cu pàcanu lu focàticu, ene a dìcere la tassa te famìglia.

E, pe lla mato…sca! paru paru δδ'annu te carestìa? pròpiu dopu nn'annata te ulìe tantu fiacca, dopu nna ccota te tabbaccu cussì scarsa? E li Caδδinari mbestialuti se ribbellàra, nquacchiàra e strazzàra lu manifestu e a petrate te secutàra lu sìndecu, li ssessori e li carbinieri. A stu puntu essèra a campu le mamme, le mugghieri, le soru te li rivoluziunari e nde li strasçenàra a ccasa.

Ma nu spicciàu peccussìne. Nnu picca prima te menžanotte te Lecce rriàra carbinieri e puližiotti, mandati te lu Prufettu, e carceràra li sette pèsçiu suvversivi: prima lu Totu Marchellu, ca era lu capurione, poi lu Nzinu Bascià, l'Angiulinu Carlà, lu Vicenzinu Casilli, l'Angiulinu e lu Pascalinu Ciccarese, lu Benemìniu Munìttula, l'Angiulinu Murellu. Lu Titta e lu Nziniceδδu De Dumìnicis, frati te lu pueta, fìcera a tiempu cu sse nde scàppanu e se scùsera ci sape a ddune!

Sàbbatu 14, lu sìndecu dese le dimissioni e allu crai su nnu giurnale leccese essìu nna puesìa te lu Pippi De Dumìnicis, ntitulata Lu rreuetu de Cadhinu fattu curaggiosamente, a ddu se mentìanu a rritìculu li carbinieri:

Nnu mese doppu, effettivamente lu 12 de miessi, se fìcera le eležioni noe e risurtàu elettu sìndecu lu marchese Eduardu Casetti, amicu te lu Pippi De Dumìnicis e a tiempu persu pueta puru iδδu.

Lu 9 e lu 11 te lùgliu, lu mese te le àiere, allu tribbunale te Lecce se fice lu prucessu e tutti li arrestati e tutti li denunziati fòsera assolti.

Le cose tra lu Peppinu e li Caδδinari a stu puntu se uastàra pròpriu e li rapporti se mputtanisçiàra addirittura. Te parecchi anni a Caδδinu esestìa già nna Sucietà Acrìcula, sustentata te l'Amministrazione cumunale; lu Pippi De Dumìnicis nde era sòciu ma la pulìtica ssistenziale ci facìa sta Sucietà nu nni ngarbizzàa; e allora nde fundàu nna secunda, chiamata Sucietà Acrìcula Operàia de Mùtuu Succorsu; tra lletecamienti e cuntrasti an fine iδδu fose numenatu Presitente, donn'Antunùcciu Capone Secretàriu .

Lu pueta te mutu tiempu rretu facìa l'amore cu lla Mariùccia Zecca, nna carusa leccese ca abbetàa a Caδδinu; nun era bella te facce e mancu te cuerpu (e ttutti se ddemmandàanu pe cce ddiàmmine lu Peppinu nci sìa tantu nfessalutu); ma però era bona te core, mutesta e scurnusa, e facìa la rricamatrice. Vabbene ca pe ttre fiate lu zitu ìa rimandatu lu giurnu te lu sponžalìziu e ìa truate scuse cu nnu sse spòsanu ncora, ma pròpiu quandu an fine s'ìa decisu cu sse la nzura - uarda biti le cumbinazioni! - la pôra Mariùccia morse; era lu mese te marsu, giurnu 3, te lu 1905.

Ncora a Caδδinu nc'era già nna bella banda musicale cumunale, canusciuta a tutta la pruvìncia, sustenuta te la Sucietà Acrìcula e cumandata te lu maestru Còsimu De Vincenti; lu Pippi De Dumìnicis, ose cu fazza nna secunda banda, sustenuta te la Sucietà de Mùtuu Succorsu e affitata allu Fiuru Farcu, nnu bravu ma sèmprice bandista.

Mo', lu De Vincenti, lu De Dumìnicis e lu Farcu ìanu stati sempre amici, amici ddaveru, ma cu sta uccasione, pe gelusìa, pe cuncurrenza, alli primi te brile, a mmienžu alla chiazza, se lletecàra brutti brutti, tantu ca fìcera mazzate (puru li bandisti se menàra: metà te nna parte e metà de l'àutra!) e se le sunàra cu tutti li contracazzi!

Lu Peppinu, nvece cu sse nde stèsçia cuietu e sotu, carmu, tranquillu e scusçetatu, se mmisçiàa ntra ttutti sti mbruegghi (cce buèi nci faci: quistu era lu caràttere sou!); e pe tutti sti mutivi la malatìa te core se ggravàu sempre te cchiùi.

La matina te lu 15 màsçiu 1905, versu le sette, presçiatu se ntise mègghiu. Ma era la migliurìa te la morte enente; e alle noe e mmenza, lu core se fermàu pe sempre: cussine, senza ngunìa, tuttu te paru pe paràlesi, murìu - peccatu!, giòene de 35 anni - lu pueta nèsciu Peppinu De Dumìnicis, lu Capitanu Bracca.

Li funerali fôra sulenni, cu gente a centenare enuta de Lecce e de tutti li paisi; pe lli tanti descorsi la ceremònia duràu fena a mmisa de sule; all'ùrtima l'amicu papa Ruggeru De Matteis e donn'Antunùcciu Capone rrecetàra li paneggìreci te addiu!

Sulu pe curiosità, subbra a llu leggistru te li Muerti, ca stae ccuetu all'Archiviu te la parròcchia de Caδδinu, sutta alla data te lu 15.5.1905 cussine truamu scrittu a pinna e nchiostru: … Josephus De Dominicis filius q.m Salvatoris et Franciscœ Garrisi eximius pöeta vernaculus repente e vivis ablatus… (che in italiano vuol dire: Giuseppe De Dominicis figlio del fu una volta Salvatore [il quale era morto l'anno prima] e di Francesca Garrisi [la quale poi morirà nel 1913], esimio poeta dialettale, improvvisamente strappato ai vivi…).

Tante àutre puesèi, cchiùi o menu riuscite, cchiùi o menu llimate, pe esèmpiu: MACCHIETTE; FIGURINE E RITRATTI; CANTI D'OTTOBRE; POESIE DIVERSE; FURESTERE, rrumàsera sparpagghiate cquai e δδai. L'autore nu fice a tiempu cu lle rreunisca e cu lle fazza stampare a nn'ùnicu libbru, percé nde foi mpetitu te la morte.

Ci aìa campatu fena a rrande, mmaggenàtibu quante àutre cose ncora mègghiu aìa pututu fare!

Ogghiu cu cchiùu ste nutìžie cu sta puesìa te lu Capitanu Brach, ca face penzare seriamente, nna puesìa ca presenta la vera cundižione, la precisa meschina situažione de comu campàa o, mègghiu ncora, de comu murìa la pôra gente te la cità te Lecce o puru te lu paisottu te Caδδinu, centu anni rretu; filu all' èbbuca te lu metiuevu, ma allu tiempu te li nanni nesci.