Ete veru

Papa Ruggeru te li 'Puδδi' sta facìa la santa cumenione alle ecchiareδδe.

Se cucchiàra all'artare la Ndulurata e la Ronza Nziδδi; lu saggerdote, ca le canuscìa te ogne matina e de ogne sira, ni puggiàu sulla lìngua l'Ostia cunsacrata rrecetandu subbrapenzieru: «Corpus Christi» alla prima, «Corpus Christi» alla secunda;

…se ngenucchiàra la Gesuilla e la Ramundina Signa e papa Ruggeru: «Corpus Christi» a una e «Corpus Christi» all'àutra;

… la Tumènica Pauleδδa e la Ntònia Senzaricchie:

«Corpus Christi» … «Corpus Christi».

Se cucchiàu la Maria Farra, nna carusazza fatta pe bìtere, beδδa e simpàtica, cu nna facce te milu ngranatu, cu tantu te piettu ca spungulisçiàa…

«Cristu, cce corpus!» - ni scappàu a papa Ruggeru, stampagnandu tanti do' uecchi!