E cce aìa utu fare?

Mèsciu Pippi Ffli-ffli Bacà, lu fìgghiu te papa Ruggeru, ca ìa tentatu cu mminta fuecu, mmaluratu a iδδu, allu tistribbutore de benzina te li Sèrgiu, stìa tisu, rittu nfacce allu Maresciallu te li carbinieri de Lezzanieδδu, ca cu nna cera feroce ni sta' facìa nnu veru lìsciu e bussu.

«…Penza cce nd'aìa pututu enìre, incusciente: nnu ncèndiu, nnu scòppiu…!»

Mèsciu Pippi se uardàa babbandu li quatri mpisi alli pariti te l'uffìciu te la caserma.

«Uardame intra ll'ecchi, facce te ngaleratu… Aìa pututu rrimanìre ccisu quarche passante, s'ianu putute lesiunare le case vicine! Ci cumbini nn'àutru uài, te giuru ca te spetiscu a lli Bobbò!»

Mèsciu Pippi, scusçetatu, se sçia ruδδandu ntra lle pàute de la giacchetta e de li càusi .

«Delinquente! - lu mmenezzàu ncazzatu forte lu Maresciallu - Te prumettu e te giuru ca ci te mbriachi nn'àutra fiata…!»

«Maresciallu, permetti? Me dai nna sicaretta?»

Allu Maresciallu ni catèra l'osse; se scunfitàu.

E cce ìa utu fare cu nnu tale incusciente? Spumandu tra lli tienti, nde lu cacciàu retandu: «Ane, abbande, farabbuttu…! A' ba' fa' nculu!».