26 - Lu iàggiu de matremòniu

La Ngicca Cutrubbiera ìa fatta la specalura a do' mmassarèi, prima a Le Mate, a ddu canàtusa lu Iacu, poi a lla Tardina; aìa enduta la metà te ranu ci n'ìa tuccata e mise li sordi ntru llu cippu.

Puru lu Tore Babbu ìa ncucchiatu nu nc'è mmale cu lle ccote te la campagna, tantu ca quarche ppruìsta l'ìa pututa fare; ma ìa rranciatu de cchiùi prima cu lla nnata te li moniceδδi uδδati, li chiuδδi, e poi cu lla nnata te li pampasçiuni, ca piàcenu tantu a lli Leccesi.

Nna fiata spusati, cu nde fàcenu sçattu alli canuscenti, tutti li sparagni loru li cunsumàra allu iàggiu te matremòniu: tandu lu iàggiu sulu li signuri lu facìanu!

Cunsigliati te don Cìcciu speziale, fìcera lu iàggiu cu llu papore, e li ecini li mmurmuràra facèndusene iabbu, pe la nvìtia cchiuttostu e nu pe llu sciupu te li turnisi; ca a iδδi, mo' stamu δδai, cce nni ntaressàa?. Rriàra a Nàpuli ca era sira tardu; lu Tore se cucchiàu a nnu cucchieri de chiazza e ni ddummandàu a ddu stìa l'abbergu Zachèu, l'allòggiu ci don Cìcciu n'ìa cunsigliatu.

«Eu, se ttròa mera mera; stae largu, quasi all'àutra parte de cquài. E ci ulìti cu sçiati alla mpete..., stati frischi! a mmenžanotte rriati! Saliti, ca bu nci portu ièu cu lla ncarrozza prùbbeca».

Camina camina, gira a rritta, ota a mmancina, dopu nna menža uretta bona rriàra all'abbergu Zachèu.

«Benumale ci ni rresulemmu cu pigghiamu la carrozza, gnora mia, senone comu ìamu fattu cu rriamu?» - disse lu Tore alla Ngicca soa.

Pigghiàra nna càmmera cu nnu liettu a do' piazze, cu lle tendine alla fenèscia e cu nnu bellu trònfiu ca pendìa te lu celu te la casa. Pe li sposi era nna maraègghia rossa rossa quandu bastàa cu gìranu nnu chiavinu e... tta! se ddumàa nna lampatina, giràanu lu stessu chiavinu e ... ppa! se stutàa… Meràculu de lu Signore e de lu cervieδδu umanu! Era la prima fiata ci etìanu la luce lèttrica. E cussì, nnu picca alla luce e nnu picca allu scuru, durmendu e... facendu cucurùzzule, passàra la prima notte te unita.

Nn'àutra maraègghia, e nu ssìppera né ci rìtenu, né ci se rràggianu, foi quandu se žara la matina su llu tardu e se nfacciàra a llu barcone, uardàra nnanti all'ecchi loru e se ddunàra ca a mmenu de cinquanta passi te l'abbergu nc'eranu le arcate te la stanzione de la ferruvìa.

Quandu essèra de l'abbergu, lu Tore te sçìa uardandu a nfacce a unu a unu li cucchièri te Nàpuli. Ci aìa canusciutu δδu tale te la sira prima, quattru nni l'ìa cantate, cussì, pe sutispazione, cu nni fazza ssapìre ca iδδu, topu puru ci era ppòppetu te paìse, nu bera nnu mìnchia!

Dopu nnu iàggiu te ritornu de tèice ure, quandu scìsera alla stanzione te Lecce, la Ngicca tisse a mmarìtusa:

«Turnandu a ccasa - te raccumandu - nu cuntamu a nnisciunu stu fattu ci n'à capetatu, senò ni chiàmanu maccabbèi a tutti doi!».

Lu Tore mmuttìu e ntru lla mente ni se nfacciàu lu pruèrbiu nticu ca tice: 'Cinca ete fessa, cu sse stèsçia a ccasa soa!'; ni nde sta' benìa a mente puru nn'àutru pruèrbiu, pròpriu quiδδu ca tice: 'Mègghiu curnutu cca fessa…', ma allu siècutu nu mbose cu nci penza, e cangiàu descorsu.