41 - La mazzetta

Àggiu già dittu ca foi a stu tiempu ci lu Rasi e lu Foffu, li fili de la Ngicca Cutrubbiera e de lu Tore Babbu, turnàra a ccasa loru, enendu però te strate tiverse, unu de cquài e unu de δδai, prima unu e poi l'àutru, l'unu e l'àutru spasulati pèsçiu te prima, ma cchiù' izziusi e scuncignati de prima cu ppàrtanu alla entura. Cce ìa utu ffare, lu sire, n'aìa buta spàttere la porta a nfacce? Sempre figghi èranu! E poi, ìa tittu mugghièresa la Ngicca: "Iδδi ànu besegnu de nui, nu nui de iδδi, cràžie a lla stulara".

Sti do' figghi màsculi se truàra cu lle mànure bucate, e spendìanu e spandìanu e ni piacìanu le llecrecere cu lli amici sciampagnoni comu a iδδi. Lu Foffu e llu Rasi tantu aìanu ntrignulatu pe llu passatu, ca moi scialàanu e dessindecàanu li sordi, puru cu ffìmmene, tantu cchiùi ca quiδδi sordi truàti èranu, filu turnisi fatiati a bia de suturi e de nfanni.

Quasi gnessira se facìanu bìtere ntra lla ustarìa te donna Cralice e mute fiate se fermàanu cu mmàngianu, cu bìanu, cu ffàzzanu bardòrie cu lle amiche e cu lli amici.

Gneffiata ci essìanu te l'ustarìa, poi, alla caruseδδa tantu ngraziata ci li servìa a ntàula lu Foffu ni lassàa nna bella mazzetta a mmanu e nna pezzecata susu a llu razzu: la carusa gradìa mutu la mazzetta, e lu facìa capire e bedìre, e suppurtàa… la nnervecatura su lli carni soi.

Nna fiata, lu Foffu, pensandu ca iδδa nci se putìa stare, nna sira la spettàu a llu scapulare. Ma se spagliàa te mutu. La caruseδδa, ca se sapìa ìtere li fatti soi, rriàu a ccasa soa e aprìu la porta; lu giòane se fice a nnanti e lla ncurtàu subbra a llu lemmetale. Ncignàra pe schersu e se uardàra fissi intra all'ecchi, poi cu uci maleziuse tutti doi se mìsera cu sse spìtanu: iδδu a ddemmandare e iδδa a rrefiutare:

Lu Foffu capìu ca pe iδδu nu nc'era nienti de fare. E pe cquistu, retendu, tutti doi de paru e de unita, a nna sula uce chiùsera la canzune cu sta strufetta:

Nna sira ci sta' ttenìa siggènzia te do' pezzetti te fìcatu rrustutu, inne a llu lucale de donna Cralice lu patrunu Tore a mpersona. La giòane cammeriera, ca lu canuscìa sulu te facce, lu servìu cu tutti li rrequardi e le ttenzioni.

Quandu spicciàu de mangiare, lu Tore Babbu se ddumàu la pippa, uardàu lu tarloci, e, siccomu s'ìa fattu tardu, pacàu, se fice dare lu restu e salutàu.

La caruseδδa, nnu picca faccitosta (le cammeriere suntu tutte nnu picca tumitille!), mentre ccumpagnàa lu ècchiu alla essuta, ni disse retendu, δδa spruntateδδa:

«Li figghi de signurìa ogne fiata me làssanu nna mazzetta; percéne signurìa nu mme dai mancu nna prùbbeca?».

«Eu, ninna mia, percé li fili mei tènenu nnu sire riccu; ièu, nvece, none! » - respuse lu Tore, ci ognettantu se cumpurtàa comu nn'òmmene spassusu.

Le llecrecere a fiate spicciàanu fiacche, speciarmente quandu le amiche decise e sèrie decìanu "none" e li carusi se ttaccàanu te niervi; allora se lletecàanu te fra iδδi menànduse canti de sdegnu:

E ccussìne secutàanu a botte e risposte fena a ddopu menžanotte, macari fena a cquandu nu ssentìanu la uce brutta de lu castarieδδu te la morte.