Secundum Lucam

Nna fiata papa Caliazzu sta' decìa missa e, rriatu alla lettura te lu Vangelu, utàu le pàggine te lu messale cu troa lu testu te lu scrittu.

- Secundum…, secundum,… - e sçia girandu nna pàggina doi nnanti… e nienzi, ttre pàggine quattru a rretu… e ncora nienzi.

- …Evangelium secundum…, secundum… - sçia ripetendu lu saggerdote girandu le pàggine - A ddu diàmmena stae lu angèliu te osçe? Secundum…

La Gesuilla, nna nunna ci nu sse perdìa mai nna funzione de chèsia e sapìa a mente tutte le parti te la missa, la Gesuilla - sta' decìa - ci tenìa piertu a mmanu lu libbrettu sou te le misse, ni essìu nnanti:

- Acciprete, secundum Lucam…

Papa Caliazzu, ca δδa bižžoca nu lla putìa filu deggerìre, fice finta ca nun aìa ntisu e, puntusu, cuntinuàu cu cerca pàggina dopu pàggina e cu stròleca:

- Secundum…, se…cun…dum…

- Secundum Lucam, acciprete - nsistìa caputosta la Gesuilla.

Papa Caliazzu se nnervusìu, la uardàu fissu fissu e, mmuendu sulu li musi, ni fice ccapìre:

- A' ba' pìgghiatela a…

La Gesuilla, cretendu ca lu saggerdote ulìa cu ssenta cchiù chiaru, repetìu cchiù forte:

- Secundum Lu…ca…

E lu acciprete, comu risposta:

- Secundu… lu ca…!