Lu peccatu cchiù' rande ete lu cchiù' bellu

«Frati mei cari, soru mei care, - pretecàa papa Caliazzu tuttu nfervuratu e rrussecatu a nfacce - le cose cchiùi dorci e sapurite suntu quiδδe ci fàcenu cchiù' male sia alli màsculi cca alle fìmmene.

«Allu stessu motu, frati mei cari, soru mei care, lu peccatu cchiù' bellu e dorce ete lu cchiù' ressu e murtale. Tantu ete veru, frati e soru mei, ca nn'omu a sulu pote fare tutti li peccati te stu mundu, astemare, rubbare, ccìtere, ngannare, ma lu peccatu cchiù' bellu e dorce, lu cchiù' sapuritu, lu peccatu contru lu nonu cumandamentu te Diu, lu peccatu te la carne, ete tantu rande e pesante ca cu llu puezzi cummettìre à' bèssere comu mìnimu a doi; nci òlenu a nforsa pe llu menu doi persone!»