La Pòrsia morse

La Pòrsia stìa bona, s'ìa žata te lu liettu comu tutte le matine, s'ìa fattu e beutu lu cafè te uèrgiu e ìa fatte le prima servìzie a ccasa all'acciprete (ca poi te muti anni era puru casa soa, se po' dìcere); poi nun aìanu ncora mpeδδate le tèice quandu se ntise prima comu nna mmossa te stòmecu, poi ni inne nna tulore forte comu nna stellettata a llu custatu, alla parte mancina, nu fice mancu a tiempu cu sse stenda susu allu liettu e lu core se spaccàu e la pôra Pòrsia, la serva e cumpagna te l'arciprèite, murìu.

La cummare Nana, trasendu comu ogne matina cu petteculìsçia nnu picca te li fatti te lu paise, truàu la Pòrsia menata a nterra "morta e già defredduta - cussine sçia cuntandu la Nana - cu nnu ciuffu te capiδδi nturtigghiati alle tìsçete te la manu mancina e cu llu tìsçetu ressu te la manu ritta strintu a mmienzu a lli tienti; nzomma - facìa capìre la Nana - morta tannata, senza cunfessione, senza cumenione e senza stremunzione, pròpiu sta cristiana ci nna vita ntiera ìa stata te casa a nnu prete, giurnu e notte".

- Ca ci a ccasa stìa sulu cu mmàngia… - scuppiàu la cummare Ndata Ndugghiusa, senza però cu fazza lu nume te papa Caliazzu.

- Ogne fiata ci àggiu utu besegnu, a ccasa nu ll'àggiu mai truatu…, sempre a ngiru… - tisse la cummare Chicca Piliianca senza fare nume.

- Ci dopu missa ìa turnatu rittu a ccasa, la pôra Pòrsia nun aìa morta desperata - tisse la cummare Carlotta Capirossa, la ecina te casa.

- Curpa de l'arciprèite ci sta cristiana tantu bona e ffeziunata, ci ni facìa de serva, de soru e puru de àutru… - nu sse trattinne mèsciu Pepi scarparu, ca nu ttenìa pili su lla lìngua - à mmorta ntra llu peccatu e à sçiuta allu nfiernu.

- Largu nde sia, Gesucristu iùtani Tie! - respùsera li presienti facènduse la santa cruce.

A tutti li paisi nc'ete bižžoche sincere e ffeziunate allu prete e bižžoche fàuse e cuntràrie; nnu prete, santu pe cquantu sia, tene sempre quarche biatilla ci ni porta sçelusìa o mmìtia o sdignu…; mmaggenàtiu papa Caliazzu ca santu nun era pròpriu e mancu biatu e mancu servu te Diu.

Allora δδa matina stessa nnu cumitatu te sei persunaggi, doi fìmmene e quattru màsculi, sçera a δδa ddu lu vèscuvu te Lessanu e ni cuntàra comu ìa sçiuta la tescràzia e, fingendu làcreme e dulore, tèsera la curpa all'acciprete ci la bunànima te la Pòrsia ìa spicciata intra alle ampe te lu nfiernu e ci lu baùgliu nu putìa èssere precatu ntra lla terra benetitta te lu campusantu.

Facimu nnu passu a rretu, cussine, tantu pe mmìntere le cose a chiaru.

Papa Caliazzu δδa matina, ditta missa, ìa sçiutu alla mmassarìa de li Lei Nei cu cunfessa e cu cumòneca la mamma te lu patrunu Ntoni e poi cu fazza nnu picca te pruiste, e quandu turnàu a ccasa truàu δδu sorte te desastru. La cummare Nana lu nfurmàu puru ca lu cumitatu ìa sçiutu a δδa ddu Bonsignore. Allora l'acciprete capìu tuttu.

Te cursa se fice ccumpagnare allu paise te Lessanu e pròpriu quandu lu cumitatu scendìa, papa Caliazzu salìa le scale te lu pescupatu.

Lu vescu cu carta e pinna già sta' screìa l'òrdine cu prècanu la pôra Pòrsia intra a nna sebburtura scunsacrata, te unita alli rètechi, alli sçiutèi, a cquiδδi ci se mpìcanu te suli.

- Ccellenza, ma te la ssicuru ièu, mintu puru la manu su lli crauni ddumati, ca la Pòrsia era nna santa cristiana…

- Cce scàndalu, ce bergogna! - rrepetìa lu vescu - Pròpriu ntra lla canòneca…

- … era nna santa cristiana, facìa la carità a tutti li spenturati, iutàa tutti li meschini, facìa tante lemòsene…

- Cce bergogna, cce scàndalu la dumèstica de nnu prete, morta a ccasa te nnu saggerdote senza li sacramenti…

- La Pòrsia a llu besegnu facìa ufferte puru alla chèsia; puru a Succellenza à penzatu - e de pàuta l'acciprete teràu fore nnu ursieδδu e fice sunare le piastre te li tucati.

- Ccene? Comu, comu? À penzatu puru allu vèscuvu sou? E de cce motu? - se nfurmàu curiusetusu Bonsignore, cangiandu tonu te uce.

- Sta ursa de turnisi la Pòrsia, δδa donna santa comu nna mòneca, me l'ìa fitata quarche semana rretu, preàndume cu tte la cunsegnu, a casu te morte, a Signurìa cu nni dici pe testamentu nna missa all'annu a suffràggiu te la bunànima soa, recumeterna a iδδa e salute a nnui.

- Requiescat in pace - precàu lu vèscuvu llungandu la manu - Tante cràzie e bona sorte allu corpu e all'ànima de la cara estinta - disse Bonsignore nferrandu l'ursieδδu sunante - Ni dau la ssurvezione in articulo mortis…

- Amen - respuse l'arciprete suspirandu sutispattu.

- … e la mia persunale benetezione.

- Cussì cumandi, cussì sia - tisse papa Caliazzu - e cussì fazzu - e turnàu te pressa a Lucugnanu pe llu funerale e cu sebelisce la Pòrsia nu de fore allu campusantu, ma a nna tomba benetitta persunarmente te lu vèscuvu, a despiettu te li biatilli e a sçattu te le bižžoche lucugnanesi.