1 - San Pietru purfetiusu

Quandu Gesucristu camenàa pe terra lu ccumpagnàanu li tùtici apòstuli. Sçìanu sempre camenandu te nnu paìse all'àutru cu pprètecanu, cu ffàcenu meràculi e cu ccunvèrtanu la gente.

Nnu marìsçiu de state San Pietru ecchiarieδδu, straccu muertu, se rifardàu cu ccamina alla mpete, se nfelàu te nnu atu te chiesura e se ssettàu sutta a nn'àrveru de fica erduliδδa. A nnu pizzu te la esta se stusçiàu li suturi ci ni culàanu de facce e de cueδδu e se uardàu a nturnu. Tuttu te paru de ntra llu restùcciu se nde ulàu nna cucugghiata, ca cu nnu uelu quasi scigghiatu salìu, salìu, salìu ritta a ncelu, cu sse mbriaca de luce e de mmensitàte.

"Lu Patreternu - ncignàu a penzare e a dire l'apòstulu Pietru - nun à ffatte tutte le cose bone; quarchetuna l'à ppuru scarrata. Pe ssèmpiu, stu àrveru te fica tantu rande face frutti cussì piccicchi, nvece la chianta te sargeniscu cussì piccicca à nnutrire nnu fruttu tantu ressu. Nu mme pare nna cosa giusta! Tocca nni nde parlu a llu Signore cu ggiusta la cosa ca, secundu mie, ete scuncruseδδa".

Quandu se tese l'occasione, San Pietru salìu a mparaìsu, sçìu ttruàu lu Criatore ssisu a ttronu e ni disse papale papale comu la pensàa: l'àrveri randi aìanu fare frutti ressi e le chiante àscie aìanu fare frutti piccicchi.

«Sia comu uèi tie!» - cuncruse Domeneddìu cu nnu surrisu sacàstecu, percé δδu giurnu nu stìa de sçìana cu ppurfèteca.

Quarche ttiempu dopu, San Pietru scise ntorna a nterra e, scarcagnandu, camenàa pe nna strata ècchia e nfosa; le cecale sçhiδδàanu comu rraggiate, lu sule mpeδδàa e cu lli rasçi soi fièrseti battìa susu allu còccalu spennatu e susu a llu cutursu chicatu te l'apòstulu, ca, perìcciu miu, se sentìa mancare lu rrefiatu.

Nu pputèndune cchiùi pe lla fiacca e pe llu quatore faugnusu, San Pietru se stise allu friscu sutta a nn'àrveru pampanusu te còrnula. Chianu chianu ncignàu cu sse senta ppesantire tutti do' uecchi; sta' cquasi mpannulàa, quandu te la stanga cchiù' bàuta se staccàu tantu nnu sargeniscu, ca ni sçìu ccatìu a nfacce, ni spusçìu lu nasu e pe ppicca nu nni lu scrafazzàu a nnasu te cane.

«L'ànima! - se mise a fare l'apòstulu - Oimmena cce mm'à ccapetatu! - e cercàa cu sse ntappa lu nasu e cu sse fazza stagnare lu sangu - Mannàggia a mmie, moi sta' ccapiscu ca... Iδδu nde sape cchiùi de mie... Ai, ai! Signore, te preu: fane turnare le cose comu stìanu prima!».