16 - La umbrella serve a nnui

Nnu giurnu de sçennaru, picca dopu Pasca befenìa, lu sule sta' mmentìa a punente e lu Tore Babbu sta' turnàa de la mmassarìa te li Pepini, a ddu aìa fatta quarche sçiurnata te fatìa. Cu tuttu ci stìa mbrigghiatu e nfacuttatu ntru lla mantellina, sentìa tantu friddu ca n'ìanu mmarangianuti li musi e nu vvertìa cchiùi le punte te le tìsçete. Lu punentale carmàu e tuttu te paru se idde dderlampare e se ntise trunare intru intru; dopu lu secundu lampu e lu secundu trenu sçattarisçiati cucchi cucchi, ncignàu a nziδδecare nna spece te àcqua-nie e poi scarrecàu a capasuni. Ccianfisçiandu intra a lli lutacchi, lu Tore fice isa isa a tiempu cu tozza a nna porta de le prima case.

«Ttu, ttu, ttu. Ei, te casa!».

«Ci ete» - se ntìsera do' ttre uci enire de intra.

«Nc'e' permessu?».

«Ci sinti?» - ddummandàu nna uce te fìmmena.

«Ièu» - respuse lu giòane nfrezzulisçiatu e suppu comu nnu purecinu mmuδδatu…

«Faurisci! Trasi e statte còmmutu!» - disse nna carusa, uardandu te la porta scarassata.

«Trasi. Cùcchiate a llu focalìre e scàrfate ca te ssuchi» - tisse nn'àutra carusa. Iδδu se scutulàu la mantellina, se ssettàu e stise l'anche all'ampa te lu fuecu.

«Ièu me chiamu Tore, suntu fìgghiu te la Tora de Crapàreca; e ui te ci siti fìgghie?».

Parlàu llora nna tersa carusa:

«Quista ete la soru cchiù' piccinna e se chiama Ngicca, iéu suntu la soru menžana e me chiamu Lena, st'àutra se chiama Ràzzia, ete la soru nòscia cchiù' rrande e fface la more cu llu mmassaru Iacu de Le Mete. La mamma nòscia e lu sire nèsciu ae tantu tiempu ci ànu muerti, recumeterna a iδδi a ddu stanu, e pace su sta terra a nnui, e nui moi stamu sule. Ni chiàmanu 'le fìgghie te la Pulònia'».

La Ngicca, ntantu, allu giuinottu ni spandìu la mantellina all'ampa te lu fuecu, curiusetusa lu uardàu suttauècchiu e ni puru rise. La Ràzzia se nde ccurgìu e ni menàu a lla soru nn'ucchiata ca l'ìa furminata.

Comu tuttu te paru aìa scarrecatu, cussì, dopu nn'ura, nn'ura e quartu, te botta scampàu e a ncelu cumparìu puru bellu disegnatu l'arcu de Nuè.

Lu Tore, comu màsculu, nu nc'era cchiùi mutivu e mancu scusa cu rrumagna ncora a δδa casa cu ttre fìmmene, sule; e la Ràzzia, sempre la soru rande, ni fice ccapìre senza tanti cumprimienti ca comu ìa enutu cussì se nde putìa sçire.

Ma però, siccomu lu celu stìa ncora trubbu e nc'era lu risçu cu cchiòa ntorna, lu giòane ddummandàu:

«Nu tteniti filu nna umbrella?».

«Sine, nci nd'ete una - disse la soru rande cu nna uce cchiuttostu sustenuta - ma nu te la putimu mprestare».

«Nu cchiù' tardu te crai bu la nducu».

«Nzu - fice la Ràzzia cu lla lìngua - Nu puèssere… cu tte la damu».

«E percéne, nu teniti fitùcia te mie, pe ccasu?» - ddummandàu nnu picca ntrepetazzu lu Tore.

«Sientime a mmie; lu fattu ete ca li casi suntu doi: o torna a cchiòere e la umbrella po' sservire a nnui, o nu cchiòe cchiùi e la umbrella nu serve mancu a tie. M'àggiu spiecata?» - respuse tosta la Ràzzia, e ni chiuse la porta a nfacce.