24 - La fisça te recotta

Mute fiate la Ngicca s'ìa lletecata cu lle soru, ca pe curpa loru iδδa s'ìa ncagnata cu llu zitu e se ìanu lassati. Nun era tantu fàcile pe iδδa cu ttròa nn'àutra stozza te nnamuratu, iδδa ci ngraziata nu bera né de moti e né de facce; anzi tenìa nna curpuratura chiuttostu àscia e llarga, tantu ca la ngiuràanu Cutrubbiera, comu sia cunforme a nnu cutrubbu picciccu e nquazzatu.

Comu ogne cquìndici, la Ngicca ìa sçiuta a lla mmassarìa Le Mate cu iuta sorsa la rande a fare lu còfanu; dopu ci ibbe scufenate le rrobbe, le ibbe sciacquate bone bone e spase a llu sule, se preparàu cu ttorna a ccasa soa.

Pe ste servìzie la Ngicca nde ìa te sorsa la Ràzzia, la mmassara, quarcheccosa necessària pe llu mangiare; sta fiata pe subbracchiùi ibbe rrecalata nna fisça de recotta ncora càuta e tiènnera. Nn'itèa ni passàu pe llu cervieδδu: pensata e fatta. Se nfelàu li quasetti, se mise le scarpe, se lliàu lu tamantile ntasçenatu e se ttaccàu a nnutu lu fazzulettu nnu picca lascatu; poi se sistemàu a ncapu cu llu taraδδu de pezza la fisça te la recotta e, nvece cu tira ritta a ccasa, partìu cu lla ba' binde allu panieri de Santa Lucìa.

La strata ìa stata nfricciata te picca tiempu; pròpriu pe lu frìcciu la carusa nu sse potte lliare li scarpini, dopu sia ci unu ni sçìa stritticeδδu e ni facìa nna mpuδδa a rretu a llu carcagnu.

La Ngicca δδa mmane se sentìa presçiata e, citta citta, quasi rungulandu, pe do' fiate rrepetìu:

Pe strata se mise a pensare: "Mo' rriu a Lecce e indu sta recotta; cu lli uettu sordi ci buscu me ccattu nnu purecinu fìmmena. Poi crisce e rrìa puδδascia, poi ddenta aδδina, poi se face òccula e la ssettu alla coa susu a bintunu oe te aδδu".

Fradditantu la giòane aìa rriata cùcchia alle prima case de la cità de Lecce e, cu nnu ppàa tàzziu, fice lu giru de mera a Sampascali, a ddu nc'èranu li pacci fiurusi, pericci, e li mentessuti, bbandunati de Diu e de li parienti.

"Dopu intunu giurni nàscenu intunu purecini, be, me ccuntentu puru te diciannòe - secutàa a pensare la Ngicca -; mme li criscu e, quandu rrìanu aδδuzzi, li a' bindu: pe llu menu inti lirazze l'àggiu ncucchiare. Poi pìgghia e mme ccattu nnu fazzulettu fiuratu pe ncapu, nna camisola cu lla puntina e nnu curpettu cu mme stringa nnu picca a cquài... Me nfàcciu a lla fenèscia, passa iδδu, me ite, me uarda, se sente sciuδδecare lu core e: - Cara Ngicca! - me saluta".

E mmaggenànduse la scena, la Ngicca fumuseδδa sçìu cu rrespunda: "Bona èspera, caru Tore!", facendu ddaveru lu nchinu, e de capu ni catìu la fisça, e la recotta se squazzàu a ppescialetta a nterra. Cussì la pôra Ngicca Cutrubbiera se nde ibbe tturnare a ccasa soa senza recotta, senza sordi e puru... senza tante fantasèi.