38 - Ritornu a Napuli

Lu Tore Babbu e la Ngicca Cutrubbiera èranu già anziani, quasi ecchiarieδδi, ma se mantenìanu ncora bueni, èranu de bona salute, tenìanu cu bìanu e cu mmàngianu e diggerìanu puru le petre. Quarche sutispazione se la puru sçìanu pigghiandu de tantu ntantu. Comu quandu, cu festèggianu lu quarantale te matremòniu, turnàra a Nàpuli, a ddu ìanu fattu lu iàggiu ppena spusati, e alluggiàra pròpiu allu stessu abbergu, a ddunca ìanu rutta, comu se tice,... la pignateδδa.

Iddera Pusìllebu, sçèra a Marechiaru, passeggiàra fena a sira a Via Tuletu, mangiàra e poi se sçèra ccurcàra. La Ngicca llungàu lu razzu sutta a lla cutre, zzeccàu cu lla soa la manu te lu maritu, ni la strinse e salutàu:

«Bonanotte, gnore miu!»

«Bonanotte, gnora mia!» - respuse lu Tore.

Lu giurnu dopu, li do' ecchiarieδδi se fìcera te pizzu a mpizzu Spaccanàpuli, sçèra cu fàcenu ìseta a San Gennaru, e la sira, nnu picca stracchi, turnàra all'abbergu e se curcàra. La mugghiere zzeccàu cu lla soa la manu te lu maritu, nni la strinse cchiù' forte e salutàu:

«Santa notte, gnore miu!»

«Santa notte, gnora mia!» - respuse lu Tore alisçiandu.

Lu tersu giurnu, ntorna a giru de cquài e de δδai; poi la sira, dopu mangiatu, stracchi sçèra e se curcàra. La Ngicca stise la manu e sutta a lli chesçiuni cercàu la manu te lu Tore. Allora iδδu, nnu picca spastitiatu:

«Gnora mia, - disse - ogne sira ogne sira?...»

Se giràu te l'àutra parte e ncignàu a roffulare.