PAPA RONZU DE RINALDIS

Papa Ronzu nèsciu De Rinaldis, suprannumenatu l'Àcula (nu ss'à pututu ppurare ci era frate te l'avvucatu don Pippi De Rinaldis), era nnu saggerdote supèrchiu ntellisçente e mutu struitu; quasi nnu scenziatu: parlàa lu crecu e lu latinu, lu dialettu leccese e lu talianu, l'àrabbu e lu ebbràicu, e scrisse muti libbri; ma peccatu ca sçera tutti perduti; li lurtima leggistri scritti te iδδu li usàu nepùtesa l'Ucciu sartore, cu nde fazza mutelli te vestiti.

Era nnu bellu giòene, àutu, rittu, forte, cu lle cìgghie nìure; l'ecchi soi te rùmmula menàanu saiette e parècchie caruse nde rrumanìanu furmenate.

Le fìmmene zite, senza cu sse ergògnanu, cunfessàanu le peccate ci facìanu cu lli ziti sulu a papa Ronzu, percé le sapìa capire e ni dìa la ssurvezione cu nna sula Sarvereggina comu penetènzia.

Però, era unestu, a! Cu nna mmaretata facìa tuttu ccèncata nnu maritu face cu lla mugghiere soa, tuttu! Cu lle caruseδδe stìa attentu cu nnu lle cumprumetta, mai sia: le asàa, se le trusciàa, ma nu rriàa mai a δδai, nu nni facìa mai dannu, percé - comu tice lu pruèrbiu nticu -

nvece, δδ'àutra cosa… M'aìti capitu, no?

Nnu giurnu, però, donna Mèlia Bellaluna, mugghiere te lu Nutaru don Giuanne Motesparu (ma me pare ca lu veru cugnume era Munìttula), donna Mèlia - ripetu - nzurtandu papa Ronzu, ni tisse, cussine per schersu, ca iδδu… fesçàa picca; ca le soi èranu tutte pàmpane…, na! nn'ampa de fuecu ca de pressa se stuta!

Papa Ronzu se la ttaccàu allu tisçetieδδu e, dopu puru ci donna Mèlia nun era tantu ngraziata te facce e nnemmancu mutu benfatta de corpu, decise ca ni l'ìa fare addivedere e n'ìa dare proa te persona.

Dopu nnu luengu cimientu, e none e sine, e cussì e culì, papa Ronzu an fine fice bìtere e pruare a donna Mèlia te cce bera capace. A donna Mèlia eccomu ni piazze, δδu mìnchia! e nci se stese puru dopu. A papa Ronzu eccomu ni piazze, δδa fessa! e nci se ncummìu.

Doppu nnu ccertu tiempu lu Nutaru Motesparu se menàu le manu a frunte e se ccurgìu ca tenìa le corne longhe e nturtigghiate, e ose cu sse vèndica te l'amante te mugghièresa, cìncata era era!

Nna sira scurusa mpustàu lu nnamuratu, allu mumentu giustu essìu te lu nascundìgghiu, ni sçiu contru cu lla facce mmucciata ntra lla mantellina e cu llu pugnale puntatu, e lu assalìu alle spaδδe. Papa Ronzu foi cchiùi prontu, liestu e spiertu e cu llu stile ni teràu ntra lla panza.

Lu Nutaru nu morse filu e sanàu; ma papa Ronzu tuccàu cu sse nde scappa pe sempre de Caδδinu.

Sçiu spicciàu alla Sicìglia e lu Prìncipe te Cutò lu pigghiàu comu prufessore te li principini. Dopu ci ibbe viaggiatu pe lla Francia, pe lla Spagna e fena alla Barberìa, oramài ècchiu, papa Ronzu turnàu allu paise sou de Caδδinu, però spretatu e spasulatu senza turnisi. Pe campare, ccettàu lu ncàrecu cu struisca li figghi te la famìglia Vernazza, duchi te Castrì, e a stu paìse murìu l'annu 1816.

Nuδδu sìndecu ose mai cu ntìtula nna strata, nnu largu, nna chiazziceδδa te Caδδinu a papa Ronzu De Rinaldis te l'Àcula, sulu pe llu mutivu ca ìa statu nnu prete puttanieri.