33 - Lu lenguàggiu te l'animali

Nc'era nna fiata nna stulara ca s'ìa zzardata cu bessa de notte senza luna. Comu foi e comu nu foi, certu fose ca sçìu ccatìu intra a nnu scrasçiale; quantu cchiùi facìa cu sse llìbbera, tantu cchiùi li estiri se mbrigghiàanu ntru lle spine e ntru lli scuerpi.

Pe scasulità a prima notte se truàu a passare de δδai nnu trainieri, ci sta' turnàa a llu paìse, e lla stulara cu nna uce piatusa piatusa ni disse:

Lu carrettieri ni respuse:

E tteràu a nnanti; ma, fatti nna entina te passi, lu caδδu se umbriàu, se ttaccàu la manu e sçìu sbattìu a nfacce a nna cuneδδa ntesata te coste a lla strata; lu trainieri se franteδδàu, tantu ca pe furtuna nu sse ccise.

A mmenžanotte se truàu a passare nnu ortulanu, ci sta' sçìa cu fazza la uardia alle statòteche, e la stulara cu nna uce piatusa piatusa ni disse:

L'ortulanu ni respundìu:

La stulara ni mprumise:

L'ortulanu, ca se chiamàa Tore e tutti lu ngiuràanu 'Babbu', se scrasçiàu le manu e le razze, se pungìu li pieti squasati e la facce ramata, lu sangu ni culàa te piettu e ni nquacchiàa la camisa pintisçiata ianca e ciliestra; ma an fine lebberàu la strica. Quista, prima cu sparisca comu nna nula te nìgghia, cu uce ferma ni tisse:

«Te moi nnanti tie capisci lu lenguàggiu te l'annimali; ma stu secretu nu ll'à' ddìcere a nnisciunu, mancu a mmugghièreta, mancu a llu cunfessore, pena la morte!».

Lu Tore Babbu rrumase supèrchiu frasturnatu. Rriatu a lla pagghiàra, se curcàu susu a lla cacchiame e nchignàu cu sse ota e cu sse rreota, ientrisutta e ientrisubbra. Nu pputendu tòrmere pe lu traùgghiu successu picca rretu, se sçìa tecendu ntra llu penzieri: «A cce mme po' ssèrvere la parlata te l'animali? Te pare ci me pozzu fare nnu descorsu cu lla mita o cu lla urpe o cu lla mùscia? Cce mminchiunarìa àggiu cumbenata! Su' statu pròpriu nnu culummu cu nnu nn'àggiu cercati alla stulara pe lu menu centu tucati d'oru. Ma urmài ci s'à bistu s'à bistu e, comu dice lu pruèrbiu nticu, 'lu fattu e' fattu e l'arciprèite à muertu!'»

Dopu nnu picca de tiempu, quandu chianu chianu ni sta' ncignàanu l'ecchi a ppesantire e la mente a mpannare, pròpiu mentre stìa cu lla ucca perta pe nnu alu, lu Tore ntise nna cuccuàsçia, ci de cima a nna lizza centenara se mise a fare:

All'ortulanu se ntesàra li capiδδi a ncapu pe llu spamientu e pe picchi nu sse mmalazzàu te parpetazione te core; la cuccuàsçia sta' decìa: - "Stu pôru desperatu, spasulatu, muertu te fame, stae curcatu subbra a nnu tesoru e nu lla sape".

Lu Tore Babbu capìu le palore te l'animale e ni rrezzecàra li carni pe llu prièsçiu; pigghiàu la zappa e ncignàu a sprecare. Spreca spreca, a nnu ccertu puntu, a do' pieti, do' pieti e mmienžu sutta a llu massettu te lu truδδu, urtàu nnu chiancune, lu scazzecàu, lu spustàu te nna manu e sutta nci se aprìu comu nna tomba: mmesçati all'osse te nnu muertu, llucìanu tanti, ma tanti tucati d'oru žacchinu, ci nde putìa ìnchere le sazze.